في تعليقه على متابعته بتبديد الأموال العمومية في ملف الصفقات التفاوضية الخاصة بكوب 22، اعتبر النائب البرلماني التجمعي، يونس بنسليمان إنه من “أشد الحريصين على المال العام”.
وأكد بنسليمان خلال حلوله ضيفا على حلقة يوم الجمعة (21 نونبر)، من برنامج “بدون لغة خشب”، قال بنسليمان، إنه “اليوم إما كنآمنو بالمؤسسات ولا بالإشاعة يلا كنا كنهدرو بالمؤسسات الدستور هو القانون الأسمى كيأكد على قرينة البراءة هاد القرينة كتبقى حتى كيولي حكم مكتسب لقوة الشيء المقضي به”.
وتابع بنسليمان: “واش الناس يحسابهم المال ديال الجماعة محطوط في صندوق الرئيس كيحل ويعطي للشركات… بتجربتي الشخصية والله وشديتي من عند شي حد شي ريال والله لا سترك”.
وقال البرلماني، إن “الصفقات كانت تفاوضية كاين مرسوم كينص على أنه ممكن دير صفقات تفاوضية في حالات معينة بمعنى كتعيط للمقاولات وكتفاوض معهم وهذا ماشي عمل ديال شخص واخا غير شخص اللي متابع هو والعمدة، ولكن هذا عمل جماعة اللي فيها مهندسين وتقنيين”.
وشدد البرلماني، على أنه “مستور وماشي لاباس عليه”، قائلا: “معيار لاباس عليا نسبي كل واحد كيف كيشوفو، أنا مثلا نقوليك فقير جدا بالنسبة لناس آخرين وثري بالنسبة لشي واحد كيبان ليا ثري، اللي كيحدد الثراء هو الحسابات في البنك وشنو عندك في المحافظة العقارية ماشي الهدرة في الزنقة”.
واعتبر بنسليمان، أن “اللي اغتنى بالسياسة أغلبهم ما كانتش عندهم مهنة أنا بالعكس السياسة وضراتني على أمور كثيرة، 23 سنة وأنا محامي غتشد المحامون اللي كاينين في المغرب كامل اللي دوزو 23 عام في المهنة وشنو عندهم إضافة إلى الفرص اللي جاو للإنسان في حياتو”.
هذا ويتابع بنسليمان في قضية الصفقات التفاوضية لتنظيم كوب 22 في 2016، التي يتابع فيها عمدة مراكش السابق محمد العربي بلقايد ونائبه الأول آنذاك يونس بنسليمان، بتهمة تبديد أموال عامة والمشاركة فيها.
