أيها المغاربة الله يكون فعوانكم.. زيادات في الأسعار قريبا والطبقة المتوسطة هزها الما!!

علي أوحافي

إذا ما سارت الأمور بالشكل الذي تتصوره حكومة عبد الإله بنكيران، فإن المغرب سيشهد زيادات “تاريخية” في أسعار المواد الأساسية. كيفاش؟
المخطط الإصلاحي الذي تعده الحكومة، للتخلص من ثقل صندوق المقاصة، يعني رفع الدعم عن هذه المواد. وإذا كانت الطبقات التي تعتبرها الحكومة فقيرة ستستفيد من دعم مالي مباشر لمساعدتها على تغطية الزيادات التي ستشهدها أسعار هذه المواد، فإن الطبقة التي توصف بالمتوسطة غادي تاكل العصا مزيان. علاش؟
في حالة إلغاء صندوق المقاصة، كيلو ديال السكر غادي يكون بـ11 درهم، بدل 6 دراهم حاليا، وكيلو ديال الدقيق سيصبح بـ4 دراهم، بدل درهمين حاليا، ما يعني أن ثمن الخبزة سيرتفع من 1,20 درهم إلى حوالي درهمين، فيما لتر من البنزين سيصبح بـ13 درهما، بدل 12، والمازوط بـ11 درهما بدل 8 حاليا، وما ننساوش البوطا الكبيرة اللي غادي تولي بـ140 درهم والصغيرة 30 درهم.
المهم ضربو الحساب وشوفو بشحال غادي يتقام علينا هاد الشي.