محمد المبارك
نشطاء موقع الفايس بوك مازال مكملين في البحث في أرشيف الفنانين والمشاهير، وإعادة التعليق على الصور اللي نشروها النجوم براسهم في الصفحات ديالهم قبل سنوات.
وماشي غير الصور اللي كانت محط سخرية، والاختلاف الكبير اللي وقع في الشكل الخارجي للفنانين، وإنما حتى التدوينات، اللي كانت أغلبها على طريقة أسئلة استعطافية بحال “اللي تبغيني يدير جيم” و”شي كلمة في حقي” و”واش عندي جمهور هنا”، وبعض التدوينات اللي كانت مليئة بأخطاء لغوية فادحة.
هذه العبارات اللي ما بقاتش مقبولة من فنانين، اللي ولاو كبار دابا، بحال سعد المجرد ودنيا بطمة والدوزي.
أحد الفايسبوكيين هلق ساخرا: “يامات الفنانة تيطلبو حتى هما لي جيم”. وقال آخر: “شفتي المستوى الحقيقي ديال الفنانة، كون ما كان عندهم اللي يتكلف بمواقع التواصل الاجتماعي كون شفنا كثر”.