أكد عزيز أخنوش، رئيس الحكومة، أن هذه الأخيرة بصدد تقديم عرض للمواطنين ضحايا زلزال الحوز، مؤكدا أنه بتوجيهات ملكية سامية المغرب سيدخل مرحلة جديدة لإعادة البناء.
وأوضح أخنوش، في ندوة صحافية عقدها صباح اليوم الاثنين (11 شتنبر)، أن “الحكومة عازمة على تنفيذ أوامر صاحب الجلالة بجدية باش نحاولو خلال هاد الأيام المقبلة نعطيو أجوبة مدققة على كل برنامج كيفاش غادي يكون”.
وأبرز رئيس الحكومة، أن “بعد اجتماع اللجنة كان اتفاق في إطار توجيهات صاحب الجلالة الملك محمد السادس باش يكون تعويض للمواطنين الي تضررو باش يمكن يساهمو فإعادة بناء المنازل ديالهم اللي تهدمات”.
وأكد المسؤول الحكومي، أنه تم تشكيل لجان لتدارس الحلول الممكنة، مبرزا: “واحد العدد ديال التساؤلات الناس ما عندهمش سكنى وما عندهمش فين يمشيو غادي نحاولو بينما نبنيو المنازل ديالهم نلقاو ليهم حلول”.
وشدد “غادي يكون عرض وغادي نقدموه للمواطنين اللي تضررو… وتعطى الإمكانيات للناس اللي مشات ليهم السكنى ديالهم”.
وتابع أخنوش، في السياق ذاته: “مدارس ومراكز صحية مشات اليوم خاصها تعاود تبنى وهاد الشي غيدخل فهاد البرنامج كاين طرق خاصها تعاود”.
وأوضح رئيس الحكومة، أن الأزمة التي يشهدها المغرب لها مراحل، موضحا: “هاد المرحلة اللي كنمرو بيها وزارة الداخلية مع جميع المصالح المعنية عاملين مجهود كبير باش يركزو ويجبدو الناس اللي في وضعية صعبة”.
وشدد أخنوش، على أنه “كاين عدد من الموتى خاصهم يدفنو وكاين دعم غذائي خاصو يوصل للناس… وزارة الداخلية مع جميع المصالح تشتغل بقوة لتواكب هذه الظروف الصعبة”.
