أكد عبد اللطيف وهبي، الأمين العام لحزب الأصالة والمعاصرة، أن حزبه يتحمل مسؤوليته الكاملة داخل الحكومة، رافضا “تقسيم الحكومة إلى جزر”.
وقال وهبي، خلال كلمة له في اختتام اشغال الدورة الاستثنائية للحزب، يوم السبت الماضي (27 نونبر)، يلا غنردو الحكومة لمجموعة من الجزر ما غنكونش رجل دولة، ما غنكونش مسؤول، لهذا أنا قلت للوزراء وكنقول ليهم سنكون مسؤولين كوزراء، ووجب أن نتصرف كرجالات دولة، ماشي رجالات حسابات صغيرة”.
وتابع الأمين العام للبام مدافعا عن قرارات الحكومة: “حنا فالحكومة وما غنديروش الدوپل جوو، وما غنديروش موقف مزدوج، وما غنديروش رجل فالحكومة ورجل على برا، اللي مزيانة نصفقو على الحكومة واللي خايبة نمشيو نتخباو، ما عمرني نديرها، ملي قررنا ندخلو للحكومة قررنا ندخلو بنزاهة ومسؤولية، وبناء عليه أي موقف دارتو الحكومة سأتبناه، عندي المجال ديال مجلس الحكومة فين كنتناقش ونبدي رأيي ونرفض، ولكن ملي كيكون القرار حكومي غادي نمشي فيه حتى للخر لأن هادي هي الدولة”.
وشدد وهبي على أن التزام حزبه بمواقف الحكومة، موضحا: “عندنا برنامج عمل وغنديرو ميثاق الأسبوع المقبل، بمعنى غادي نلتزمو وهاد الالتزام غيكون كلي ما فيهش الجزئي، غيكون مية فالمية، السيد الرئيس عزيز أخزيز هو الرئيس، والحكومة فيها وزراء هوما وزراء، دارو مواقف اللي عجباتو مزيان اللي ما عجبتوش زيد، كاينة تحديات واكراهات ومواجهات كتفرض علينا باش ناخدو موقف”.
واسترسل المتحدث: “عندنا حل واحد ماشي جوج، إما نتحملو مسؤوليتنا داخل الحكومة إما نخرجو منها، ما فيهاش نص نص، ما فيهاش أنا فيها يلا كانت زوينة وما بقيتش فيها يلا كانت خايبة، يلا غندير الصراع انخرج للساحة السياسية وندير الصراع، ما غنديروش داخل الحكومة لأن الحكومة تهم قضايا الشعب ما غنضحيش بقضايا الشعب والدولة باش ندخل فصراع نقدم استقالتي ونهرج ونجي للشارع وشوف أشنو غندير”.
