كشف مهني في قطاع الدواجن عن موعد انخفاض أسعار الدجاج، محددا الأسباب وراء هذا الارتفاع الكبير.
وقال الزاز هشام، رئيس الجمعية المغربية للبيئة وتربية طيور دواجن الزينة، في تصريح لموقع “كيفاش” إن “هاد الارتفاع اللي كتعرفو الأثمنة ديال الدجاج القابل للاستهلاك السبب ديالو كيرجع للعلف اللي ولا غالي والترونسبور والشتا ما كانتش بوفرة باش يكون حصاد وافر للقطاع ديال الدواجن وهاد الشي خلا حتى أثمنة اللحم طلع”.
وأوضح أنه “ما كنظنش يكون انخفاض فأسعار الدجاج من هنا لـ3 شهورولا 4 حيت حنا مقبلين على الصيف والأعراس”.
وأشار إلى أنه “مورا العيد الكبير يقدر ثمن الدجاج يهبط شوية أما قبل العيد ما نظنش”.
وعبّر عدد من المواطنين عن غضبهم من الارتفاع الذي تعرفه أسعار الدواجن.
ونشر مواطنون تدوينات عبر صفحاتهم على مواقع التواصل الاجتماعي يستنكرون من خلالها هذه الزيادات المتواصلة في أسعار الدواجن.
وكتب أحد المعلقين “لأول مرة في تاريخ أثمنة الدجاج… 25 درهم للكلغ، هاد الشي اللي بقى خاص نيت… ارتفاع صاروخي في أثمنة الدجاج تزامنا مع قرب حلول عيد الفطر، معاناة شهر رمضان مع ارتفاع الأسعار تختتم بزيادة غير مسبوقة في اثمنة الدجاج”.
وعلق آخر “الدجاج ولا يطير مع الطيور، ارتفاع صاروخي في ثمن الدجاج حيث وصل ثمنه ل27درهم ببعض المناطق”.
ونشر آخر “تيزنيت الدجاج داير الگرون… سعر الكيلوغرام الواحد يقارب 30 درهم”.
وطالب آخر بمقاطعة الدواجن، قائلا “اللي راجل ديال بصح يقاطع ويبارطاجي، الدجاج أصبح ب25 درهم بزاف على المواطن الفقير الذي لا يجد حتى الخبز وأتاي كيفاش يمكن ليه يشري الدجاج بهاد الثمن”.
