مثل عدد من المدن العالمية اللّي كتعتامد على السياحة بالدرجة الأولى، القطاع فمدينة مراكش تْصاب بالشّلل، لدرجة، أن ساحة جامع لفنا، ما بقاش فيها صوت الحكواتيين وصْحاب الحلقة، أما التجار فعدد منهم غادرو المحلات وتحولو لباعة متجولين.
من خلال ربورطاج “لموقع كيفاش” من عين المكان، مجموعة من المواطنين المراكشيين، عبروا عن الأسف ديالهوم للحال اللي وصلات ليه المدينة من الركود الاقتصادي، وأكدوا باللي هي، بالنسبة ليهم، الأكثر تضررا بتداعيات انتشار فيروس كورونا.
إقرأ أيضا: رئيس جمعية للتجّار في جامع لفنا: راسلْنا الحكومة بالمطالِب وجاوباتنا بالضّرائب (صور وفيديو)
هاد الركود الاقتصادي، من الأسباب ديالو، الاجراءات الاحترازية بين المناطق اللي فالتصنيف الثاني، وحتى إغلاق الحدود الجوية والبرية في وجه السياح الأجانب، كيف جا على لسان مجموعة من المراكشيين.
ومن جهة أخرى، كاتعتبر مدينة مراكش، من ضمن المدن السياحية والتاريخية اللي كا تعتمد على القطاع السياحي كمصدر دخل مركزي، كيمثل، حسب الأرقام الرسمية، أكثر من 40 في المائة من دخل المدينة، وهي أحد مقاصد السياح الأجانب، والمغاربة القادمين من مختلف مدن المملكة..
شاهد أيضا:
مراكش.. البلغة مشات والزربية ضرباتها التونيا.. خسائر أكثر من 5000 صانع تقليدي في جامع لفنا
وبالنسبة للمدينة للحمراء، تداعيات الشلل التام اللي صاب القطاع، غيّر طعم الحياة بساحة جامع الفناء، وحتى أربال المحلات عاناو من الانعكاسات الاقتصادية والاجتماعية ديال الجائحة، ماشي غير الحكواتيين وصحالب الحلقة.
