انتقدت نبيلة منيب، الأمينة العامة للحزب الاشتراكي الموحد، تصريحات رئيس الحكومة الأسبق، والأمين العام لحزب العدالة والتنمية، عبد الإله بنكيران، بشأن الإجهاض.
وقالت منيب، خلال استضافتها في برنامج “بدون لغة خشب”، اليوم الجمعة (29 شتنبر)، على إذاعة “ميد راديو”، “الإنسان ملي كيكون فالمسؤولية الكبيرة تما فين خاص تبان الشجاعة ديالو، تما فين خاص يبانو مقترحات القوانين ديالو، وكيفاش كيشوف المجتمع خاصو يتقدم”.
وأضافت: “ابن كيران ملي كان رئيس الحكومة هو اللي دار تحرير المحروقات وفكك صندوق المقاصة وخلا لاسامير تضيع، من داك الوقت وهو جاينا هاد ارتفاع الأسعار المهول، والمغاربة اللي عايشين تحت سقف الكرامة”.
واعتبرت منيب أن “ابن كيران ملي كان فالحكومة كان خاصو يتحلى بالشجاعة أنه يطلق عدد من مشاريع الإصلاح فبلادنا، أما دابا باش يجي يتدخل فموضوع وهو رئيس حزب محترم، ولكن باش يناقشو قانون الإجهاض يناقشوه فالبرلمان، وخا البرلمان ضعيف وما كاين مناقشة فالحقيقة”.
وتابعت ضيفة “بدون لغة خشب”، متحدثا عن ابن كيران: “هو يقول الرأي ديالو ولكن راه كاينين آراء أخرى، وأنا كنقول لهادو اللي كيدعيو بأن المشروع ديالهم جاي من مرجعية دينية أنهم يقراو مزيان هاد الدين وإلى ما يدعو هذا الدين”.
واسترسلت المتحدثة: “هذا الدين يدعو إلى إحقاق الحق والعدل والإنصاف، أما باش نبقاو فالسكيزفرينيا، وداك الشي ديال أنا حيت رجل ما غيوقعش ليا هاد الشي والنساء كلهم فالمغرب لهلا يقلب فيهم… لهادا خاصنا نناقشوا بالعقل وبمنطق وبمحاولة إنصاف هاد النساء واللي أغلبيتهم كيكونو مظلومات”.
وكان ابن كيران هاجم، في كلمته خلال لقاء حزبي يوم الأحد الماضي، مؤيدي تقنين الإجهاض، معربا عن رفضه لهذا التوجه، ومعتبرا أن من دخل في علاقة وتسبب في حمل عليه أن يتحمل مسؤوليته.
