فشل فريق الوداد الرياضي البيضاوي، يوم أمس الأحد (11 يونيو)، في الحفاظ على لقب دوري أبطال إفريقيا، بعد خسارته أمام الأهلي المصري ذهابا بهدفين مقابل هدف وحيد، وتعادله إيابا بهدف لمثله.
وحمل المحلل الرياضي، ابراهيم الزوين، مسؤولية ضياع اللقب للمدرب البلجيكي، سفين فاندربروك، وأيضا للاعبين، مشددا على أنهم لم يستغلوا الظروف التي كانت مهيئة لهم بشكل جيد.
الوداد لم يستغل الظروف!
وقال ابراهيم الزوين في تصريح لموقع “كيفاش”، إنه “كان بالإمكان أن يكون أفضل من ما كان، كنا تحدثنا على نتيجة مباراة الذهاب على أنها ممكن تكون مفتاح اللقب الثاني على التوالي والرابع في تاريخ فريق الوداد الرياضي البيضاوي، ولكن للأسف المباراة كان فيها ضغط كبير ملموس على الفريقين معا”.
وأضاف “أفضل سيناريو كان ممكن يكون فالمباراة بالنسبة للوداد هو تسجيل هدف في نصف ساعة الأولى، حيت كان موضوع في واحد الموقف رائع أمام الجماهير ديالو، أمام الأنصار ديالو، والدعم الكبير ديال جميع المكونات ديال الرياضة على الصعيد الوطني، يعني كل الظروف كانت مهيئة”.
وتابع “كنا كنتمناو على أن داك الهدف يكون دافع معنوي كبير وحافز كبير للاعبين على أساس أنهم يبحثو على هدف ثاني وهدف ثالث، لأنه شفنا شبه انهيار ديال لاعبين الفريق المصري، والدليل على ذلك را دخلوا فنزاعات واحتجاجات على التحكيم فأمور كثيرة كيف العادة دائما اللي عودونا عليها، ولكن مؤسف جدا أن التعامل مع هداك الهدف ما مشاش بواحد الطريقة مزيانة، رغم الظروف كلها اللي كانت مهيئة للتويج باللقب”.
وشدد المحلل الزوين على أنه “ما شفناش لاعبين فمستوى كبير باستثناء، الانطلاقة والبداية الأولى لأوناجم فربع ساعة الأولى اللي كان هو مصدر الخطورة في صفوف فريق الوداد وحرج دفاع الفريق المصري”.
المدرب ما كانش فالمستوى!
وأكد الزوين على أن المدرب فاندنبروك لم يكن في المستوى الكبير خلال مباراة إياب نهائي دوري أبطال إفريقيا، قائلا “فمباراة الذهاب قلنا أن المدرب الكوتشينغ ديالو فالجولة الثانية كان فالمستوى من خلال الدفع بأوناجم وكذلك بوهرة، وهاديك هي تقريبا واحد 10 ولا ربع ساعة الأخيرة ديال مباراة الذهاب اللي شفنا فيها وداد أخر، وسجل هدف وكان ممكن يسجل هدف أخر ديال التعادل، فكنضن المباراة ديال الإياب المدرب بكل صراحة ما كانش فالمستوى، حيت الخروج ديال بوهرة أعتقد على أنه كان هو نقطة تحول فالمباراة”.
وأوضح أن “المدرب ما كانش عليه بتاتا يخرج بوهرة، حيت لاعب نشيط سريع، وعندو إمكانيات كبيرة”.
وأشار المحلل ابراهيم الزوين في تصريحه للموقع، إلى أنه “كان شك في مشاركة المترجي واش يلعب واش ما يلعبش، خصوصا أنه جوج ولا ثلاثة الحصص الأولى من بداية الأسبوع من بعد العودة من الإصابة ما تمرنش مع الفريق، وكان المدرب بنفسو قال على أنه غيكون غائب على المباراة إلى جانب عبد الله حيمود، ولكن كنتفاجؤ على أنه فواحد الوقيتة اللي كان الفريق خاصو يبحث على هدف ثاني ويأمن النتيجة، ويوضع ضغط أكبر على الفريق المصري، تم إخراج بوهرة ودخل المترجي”.
وتابع “شفنا كذلك أن المدرب كان عندو لاعبين على مستوى وسط الميدان وخط الدفاع اللي يمكن يدفع بيهم ويمكن أنه يدير واحد الجوج ديال الحواجز من خط الوسط لخط الدفاع، لأن الفريق المصري لقى صعوبة كبيرة وصبح عاجز على أنه يوصل للمرمى ولا يقرب من المرمى ديال فريق الوداد”.
ماشي هذا المستوى اللي كنا كنتسناو !
وتأسف الزوين على أنه “ما كانتش دراسة بشكل كبير لفريق الأهلي، لأن الهدف اللي سجل الأهلي ديال التعادل تقريبا بنفس الطريقة اللي كان تسجل على الرجاء، وكانو سجلو بحالو حتى فمبارايات فدور المجموعات، مؤسف على أنه ما كانتش قراءة سليمة للطريقة ديال تنفيد الزوايا اللي كتكون ديال الكرات الثابتة ديال فريق الأهلي المصري، وهنا تنظن على أن المدرب تيتحمل مسؤلية كبيرة جدا”.
وواصل حديثه بالقول “بكل صراحة كان ممكن الوداد يتفادى الهدف بهاديك الطريقة، ولكن بكل صراحة ما شفناش كرة القدم اللي كنا كنتمناو، وما شفناش مباراة وهذا طبيعي جدا لأنه كان ضغط كبير، وهذا نهائي ولقب كينتظر أي فريق أنه يفوز بيه، وكنظن الوداد البيضاوي ما قدموش المستوى الكبير اللي كنا كنتسناو منهم”.
الوداد ضيع 2 ألقاب ماشي واحد!
واعتبر الزوين أن فريق الوداد لم يستغل نتيجة مباراة الذهاب بشكل جيد، مشددا على أنه ضيع لقبين وليس لقب واحد.
وقال الزوين “الوداد ما استغلوش النتيجة ديال مبارة الذهاب بشكل جيد، وما استغلوش الحضور الجماهيري، وما استغلوش هداك الدعم الكبير، وما استغلوش التهييء اللي كان على أعلى مستوى في مركب محمد السادس، والحضور والدعم الكبير لرئيس الجامعة وديال مجموعة من لاعبين ديال المنتخب الوطني المغربي، ووليد الركراكي، وأشياء كثيرة “.
وأضاف “للأسف كان الأمل كبير على أن الكأس ما تخرجش من المغرب، وتبقى هنا فالمغرب كما هو حال ديال مجموعة ديال الكؤوس اللي دخلات هنا وبقات هنا في خزانة كرة القدم الوطنية ولكن كرة القدم هي هادي”.
وختم حديثه بالقول “أرى أن الوداد ما ضيعش فقط كأس ولكن ضيع كأسين، ضيع لقبين، حيت التتويج باللقب كان غيعطيه يلعب مبارة ديال كأس السوبر مع فريق العاصمة الجزائري وبإمكانو يربحو، يعني دابا بهاد اللقب ضيع جوج ديال الألقاب لخزانة كرة القدم الوطنية وفريق الوداد البيضاوي”.
