1
القوميين ديالنا عافاكم يلا بغيتو تتضامنو مع ضحايا الفيضانات راه دوك المناطق سميتهم كلميم وورزازات، عنداكم ترفعو شعار غزة غزة رمز العزة!!!!
وأخواتي في الجمعيات النسائية يلا فكرتو تديرو شي مبادرة لفائدة النساء المنكوبات عنداكم تنساو، هاد الشي سميتو النكبة ماشي المناصفة ولا اللائحة الوطنية…
حنا منكوبات ماشي ثريات…
2
بنكيران ينجو من موت محقق.. أغبى عنوان في الصحف هذا اليوم…
الخبر الموضوعي هو أن طائرة بنكيران تعرضت لاهتزازات، وبالتالي لا يجوز القول إن الرجل نجا من الموت، فالنجاة من الموت تكون خبرا صحيحا لو أن الطائرة تحطمت ونجا رئيس الحكومة…
وفوق هذا وذاك ما فهمتش معنى “الموت المحقق”!! علاه كاين شي موت ديال بلعاني؟
بنكيرن ينجو من موت غير محقق!! مشكوك في أمره!! مزور!! نسبي!!
هاد الشي بحال لاماب اللي كتقولينا نقل الجرحى لتلقي العلاجات الضرورية، بحال يلا كاين شي علاج غير ضروري!!!!
3
عاجل.. الكاف تعتذر للمغرب وتتفهم طلبه تأجيل الكان وهذا ما قاله حياتو لأوزين:
بدل الملف ودير باللي السبب هو الكارثة ديال الفيضانات اللي عندكم وانتوما جالسين فالرباط، ونسى عليك إيبولا، واش كاين شي إيبولا أكثر من قنطرة كتريب من بعد ربع شهور!
4
علاش بنكيرن ما يهزش الوزراء نتاوعو ويمشي يدير المجلس الحكومي نهار الخميس فورزازات ولا كلميم ويدير نقطة استثنائية فجدول الأعمال: كيفية التعامل مع ما وقع، والإجراءات الاستعجالية. وملي يساليو يمشيو اللي عندو شي بوط (اللي كيلبسوه ماشي اللي كيحركوه مع الشعبي) يلبسو، وسيرو للمناطق المنكوبة وسمعو للناس شوية وبردو الحرقة ديالهم….
ولكن ها العار بلا ما تتعشاو عند العامل بالشوا….
5
هذا ماشي وقت السياسة، شي يقول كريم غلاب وشي يقول عزيز الرباح… هادي مسؤولية الدولة المغربية… بقديمها وجديدها…
شي يموت شي يحسب فالورث…
6
المرجو من السادة الوزراء البقاء في مكاتبهم لأن الانتقال إلى الأماكن المتضررة من الفيضانات يهدد حياتهم، عافاكم عافاكم خليو غير المواطنين اللي (…) عليهم يموتو وانتوما بقاو عايشين لينا ما نقدروووووووش نشوفوكم ممحنين وزاطمين فالغيس، هادوك يلا ماتوا كاين الالاااااااااااف منهم وانتوما عملة نااااادرة ما نلقاوش الديبليكاطا ديالكم حتى فدرب عمر….
يشويني فيكم….
7
أنا على أحر من الجمر لقراءة ما سيكتبه الدكتور نجيب بوليف عن الفيضانات في “حديث الثلاثاء”!!!!
تشاو تشاو…
