أكد لاعبون وداديون على أنهم واعون بالمسؤولية التي على عاتقهم في كأس العالم للأندية الأبطال، مشددين على أنهم يرغبون بشدة في إسعاد الجماهير المغربية والودادية وتحقيق نتائج جيدة.
يحيى جبران
وقال الوداد يحيى جبران، “بالفعل كتسنانا مباراة صعبة أمام الهلال السعودي فالموندياليتو اللي هو فريق كبير وعندو الصيت ديالو فالكرة العربية، وحنا واعيين بالمسؤولية اللي كتنتظرنا”.
وأضاف “نحيدو علينا ماتش الفتح نهار الأحد ومن بعد ندخلو بكامل التركيز للتحضير لمباراة الهلال”.
وتابع الدولي المغربي “المدرب ولا الأطر اللي كيشرفو على الفريق دابا كلهم كيحاولو يوصلو لينا واحد الميصاج هو خاصنا نكونو موجودين ونتقاتلو على الكرة المغربية باش يبقى ديما الصيت ديالها الفوق ان شاء الله”.
محمد رضى التكناوتي
ومن جهته، قال محمد رضى التكناوتي، إن “أي حارس في العالم كيتمنى يلعب الموندياليتو، واللي علينا دابا هو نفرحو الجمهور المغربي كامل وجمهور الوداد ان شاء الله”.
وأضاف الحارس الودادي “كان ليا الشرف ووفقني الله وكنت مع المنتخب الوطني 2 مرات في المونديال و2 مرات في كأس أمم إفريقيا وهاد الشي كيعطيني حافز كبير باش نركز بزاف على الموندياليتو”.
يحيى عطية الله
وبدوره، قال يحيى عطية الله، “كنوجدو لمقابلة الفتح الرباطي اللي عندنا غدا وباغين نحققو فيها 3 دالنقاط باش نبقاو في مقدمة الترتيب، ومن بعد يمكن لينا نوجدو لمباراة الهلال السعودي فالموندياليتو اللي غتكون نهار السبت وكنتمناو نحققو نتيجة إيجابية إن شاء الله”.
