عصام أيت علي
غير رونار عطا اللائحة اللي غادي تمشي للإمارات باش تشارك فالمعسكر الإعدادي وتحضر للامتحان الجاي اللي غادي يكون فالغابون، بدا الكريتيك الفايسبوكي. كيفاش؟
موضوع زياش كان طاغيا على الحديث الفايسبوكي، حيث استغرب عدد كبير من رواد الموقع الأزرق لغياب نجم أجاكس أمستردام.
أحد الفايسبوكيين كتب: “واش عدنا شي واحد فحال زياش، صانع ألعاب يقدر عطيك الإضافة ويجيب ليك بينالتي، موسيو رونار مادرتي فيها ما يليق”.
سفيان زياد، مدرب في أكاديمية كريمو لكرة القدم، هو الآخر تساءل عن غياب بعض اللاعبين، من بينهم زياش وأشرف لزعر، حيث كتب: “رونار الله يسمح ليك، تنادي على منديل والناصيري، ولا تنادي على زياش. هولندا بغاو يحماقو عليه ولزعر والقادوري يلا طفرتيه ها وجهي”.
فايسبوكي آخر قال: “كل واحد يختار شي منتخب يشجعو في دور الثاني من منافسات إفريقيا لا حقاش ما غدينش نمشيوو بعيد”.
مشجع رجاوي هو أيضا غير راض على رونار، حيث قال: “دبا واش العطوشي حسن من بانون ولا ياميق رونار ولد الناس”.
يشار إلى أن رونار أعلن عن لائحة 26 لاعبا للمشاركة في المعسكر الإعدادي، تحضيرا لنهائيات كأس إفريقيا.
