أفاد مصدر مطلع لموقع “كيفاش” بأن أسعار الغازوال ستعرف انخفاضا في بعض المحطات، يوم 17 نونبر الجاري، في حين سيبقى سعر البنزين ثابتا.
وحسب المصدر ذاته، فإن سعر المازوط سيعرف انخفاضا ب40 سنتيم في اللتر الواحد، بينما سعر البنزين سيبقى مستقرا.
وكان الطيب بنعلي، نائب رئيس الجامعة الوطنية لأرباب وتجار ومسيري محطات الوقود بالمغرب، قال في تصريح لموقع “كيفاش”، إن “الانخفاض باش يمكن يمر في المحطات خاص حتى نساليو المخزون اللي عندنا، حيت كيكون عندهم مخزون شارينو بثمن طالع يعني خاص حتى يكملوه عاد ينقصو، وكل محطة على حسب التموقع ديالها، كاين اللي كتبيع المخزون ديالها في يومين وكاين اللي كتبيعو في 3 أيام وكاين اللي كتبيعو حتى لسيمانة”.
واشتكى بنعلي من ما وصفها بـ”المنافسة غير الشريفة في بعض الشركات”، قائلا “حنا كنشتكيو المنافسة غير الشريفة اللي كتقوم بها بعض الشركات المخفية في المحطات اللي كتسيرها هي مباشرة، وكطبق فيها الانخفاض النهار اللي كيعلنو عليه وهاد العملية منافية لقانون المنافسة لأن البيع بالخسارة ممنوع”.
وتابع “هاد الشركات بما أنهم كيبيعو بالجملة وفي نفس الوقت كيبيعو بالتقسيط يعني كيستغلو الهامش اللي عندهم في الجملة وكيبيعو التقسيط بالخسارة، وحنا اللي عندنا هامش الربح محدود ما يمكنش تنقص المحروقات بدرهم نقصها أنا خاصني حتى نكمل المخزون اللي عندي عاد نقدر نقص”.
