عصام أيت علي
قال عثمان ملين، المغني الشعبي، إنه لا يهتم للانتقادات، مضيفا أن الشخص اللي كيديها فالانتقادات يا إما كيبقى فبلاصتو ولا كيرجع اللور.
وأضاف ملين، في برنامج “في قفص الاتهام”، اليوم الجمعة (4 نونبر) على إذاعة “ميد راديو”، “قالو عليا شيخة، قالو عليا يهودي، أنا ما كنهتمش للانتقادات، والناس اللي كتدّيها فالانتقادات كيرجعو اللور”.
وبخصوص البوز اللي دار فالفايس بوك فهاد الفترة، قال ملين: “فحالي فحالكم نعست وفقت ولقيت راسي فجميع الصفحات وكلشي كيهضر عليا”، موضحا أنه مستغرب لما وقع.
وأضاف: “ما فهمتش شنو وقع حتى الفيديوهات ديالي دارو بّوم، وأنا كنت درت فيديوهات شحال هادي مع فرانش مونتانا وإيكون وما دّاها فيهم حد”.
وعن الفيديو الذي ظهر فيه وهو يؤدي أغنية بكلمات بذيئة، قال ملين بأن هاديك ماشي سهرة خاصة، وأنه كان كيغني مع صحابو، وأنهم هما اللي خرجو الفيديو.
