صفحة “مراكش بالفيزا” حطات فيديو ديال واحد الولد وبنية صغار كيتباوسو فالزنقة. أغلب المعلقين على الفيديو، الذي صور خلسة من طرف راشدين على ما يبدو، ما عجبهومش الحال.
أحد المعلقين كتب: “هوما صغار وما عارفين والو. (…) هو اللي صورهم ودار ليهم الإشهار وباين كبير حيت تنسمعو أصوات الدراري الصغار فالدار”.
فايسبوكي آخر علق على الفيديو: “هذا راه سميتو تشهير حرام عليكم كلشي كيدير هادشي ويجي يقولك شوف هادو شكايديرو. مسح الفيديو أصاط”.
وعلق آخر: “هذا لصورهم الله يفضحو ويعطيه شي مصيبة هادوك غير اولدات صغار نطلب ليهم الهداية اطلب منكم عدم نشره من ستر مسلما ستره الله في الدنيا والآخرة”.
فايسبوكي كتب أيضا: “حشومة عليك دابا لوكان ديك البنت يشوفها خوها ولا باباها كيفاش غادي يكون رد الفعل ديالهم يمكن يرتاكبو جريمة وأنت من تتحمل وزرها في الدنيا الأخرة وهذه فتنة استروا من في الأرض يستركم من في السماء واتقوا الله في أبناء وطنكم”.
الفيديو حظي بأزيد 59 ألف مشاهدة على صفحة “مراكش بالفيزا”.
