عصام أيت علي
الشرطة القضائية في منطقة حي مولاي رشيد في الدار البيضاء كتقلّب على الشفار اللي بغا يدي شي صاك لواحد المواطن، ولكن ماشي غير البوليس اللي كيقلب على الشفار، الناس ديال الفايس بوك حتى هوما كيبارطاجيو الصور ديال المشتبه فيه.
عدد من الصفحات الفايسبوكية نشرت الفيديو الذي ظهر فيه لص وهو يحاول سرقة حقيبة من أحد المواطنين باستخدام سكين كبير، قبل أن يلوذ بالفرار رفقة شريكه على متن دراجة نارية.
رواد الموقع الأزرق حالفين حتى يعاونو البوليس باش يشدو الشفار، ونشرو صور لواحد السيد وقالو هو اللي دارها، الشي اللي خلاه يخرج بفيديو كيقول ماشي أنا.
شبيه اللص قال: “حنا ماشي ديال هاد الشي، والدينا ناس طيبين قراونا القرآن، وآش غادي نقول ليكم الله ياخد الحق فهادا اللي نشر تصاوري فالفايس بوك وقال أنا مولاها، الله يسمح ليهم والله يجازيكم بالخير ما تبقاوش تيقو هادشي”.
ومن جانبها، أعطت المديرية العامة للأمن الوطني تعليمات صارمة لولاية الأمن في الدار البيضاء، من أجل توقيف المشتبه فيهما بعدما تم تشخيص هويتهما.
https://www.youtube.com/watch?v=c8sMb57oDGc&feature=youtu.be