تحدث ياسين بونو، حارس مرمى المنتخب الوطني المغربي ونادي إشبيلية الإسباني، عن العقدة التي فكّها الناخب الوطني وليد الركراكي خلال كأس العالم “قطر 2022″، مشيرا إلى أنه “دائما كان يحلم باللعب مع الأسود”.
وقال بونو في حوار مع الموقع الرسمي للاتحاد الدولي لكرة القدم (فيفا): “كيف قلت شحال هادي، الركراكي قدر يفك العقدة اللي كانت عندنا والرسالة كانت واضحة، وشحال من لاعب منّا كيلعب فأندية واعرة داك الشي علاش ما كانش عندنا عذر باش ما نكونوش فنفس مستوى خصومنا”.
وأضاف: “المدرب عطانا فكرة واضحة على شنو خاصنا نديرو. ما كانش عندو الوقت بزاف داك الشي علاش عطانا نقط تكتيكية كان خاصنا نتبعوها، الفريق طبّق توقعات المدرب، ولكن كانت موهبة فهاد المجموعة وهي اللي عاوناتنا”.
وعن الأجواء والدعم الجماهيري خلال منافسات كأس العالم قطر 2022، قال حامي عرين” الأسود”: ”
ملي كتكون فالمنافسة ما كتعرفش شنو كيوقع، ولكن حدا الأوطيل كانت الشوارع مسدودة وعامرة بالجمهور، وكنا وكنحسو بشيء استثنائي كيوقع، ومع ذلك فعقلنا كنا كنفكر فقط فالوصول للنهائي، وبعد أسابيع عاد استوعبنا شنَ حققنا”.
كما تحدث بونو عن بداياته في كرة القدم، قائلا: “بداياتي كانت مع الوداد. عندي بزاف ديال الذكريات مع هاد النادي. كل الأندية اللي لعبت فيها عندي معها ذكريات زوينة، وكأس العالم بالتأكيد واحدة منها”.
وختم بونو حديثه بالقول” كنتمنى نعيش المزيد من اللحظات الزوينة، هاد الشي كيخليني فخور وفرحان”.
