طارق باشلام
بزاف ديال الناس كيسولو أشنو تغير بعد عامين من تطبيق قرار منع استعمال الميكا والإنتاج ديالها. هاد السؤال حاولات تجاوب عليه جمعية “زيرو زبل” في التقرير ديالها السنوي واللي تزامن مع اليوم العالمي للأكياس البلاستيكية. كيفاش؟
بحث ميداني، للجمعية المغربية “زيرو زبل”، بيّن باللي غالبية المغاربة باقية عزيزة عليهم الميكا وما يقدروش يفرطو فيها أثناء التسوّق، رغم صدور قرار حكومي بمنع استعمالها أواخرَ شهر أكتوبر سنة 2015.
وكتقول نتائج البحث الميداني لجمعية “زيرو زبل” أن ثلثي المغاربة كيستعملو الأكياس البلاستيكية، و60 في المائة من أصحاب المتاجر اللي شملهم هاد البحث كيقولو باللي 80 في المائة من زبنائهم كيطلبو الميكا، وأنّ 65 في المائة من المتسوقين يستعملون ما بين 5 إلى 15 كيسا من البلاستيك في كل مرة يتسوقون فيها.
مفارقة أخرى وقف عليها البحث الميداني، وهي أن مستعملي الميكا على علم بالقانون ديال المنع، حيث بلغت نسبة الذين هم على علم بوجود هذا القانون أكثر من 90 في المائة من المستجوبين، وأن أكثر من ذلك حوالي 60 في المائة منهم يرون أنَّ الأكياس البلاستيكية لها تأثير قويّ على البيئة وعلى الصحة.
وفي مقابل استمرار استعمال الأكياس البلاستيكية في الأسواق والمتاجر المغربية، رغم منع استعمالها منذ أزيد من سنتين، فإن استخدام بدائل هذه الأكياس لا يزال محدودا جدا، تضيف معطيات هذه الدراسة.
