محمد المبارك
بلال العقاد، اليوتوبر المعروف، غدرات به بشرى اللي كان غدي يتزوج بيها في ألمانيا، ودابا حصل فالمغرب وحتى فلوسو بقات فألمانيا. كيفاش؟
بلال العقاد، من بعد 8 سنوات في الغربة، كان تعرف في السنوات الاخيرة على فتاة تدعى بشرى، وهي مهاجرة مغربية تعيش في ألمانيا. من بعد عاشو مع بعضهم وبداو كيديرو فيديوهات على يوتوب، بحكم أن بلال العقاد يوتوبر معروف.
من بعد قالت ليه بشرى رجع للمغرب باش تقاد أوراق الزواج ونتزوجو في المغرب ونقاد ليك أوراقك ونجيبك عندي هنا. فاش رجع بلال للمغرب بشرى غيرت القرار ديالها وقالت ليه “صافي ما بقيتش بغيت”. هاد الشي حطم النفسية ديال بلال، حيث هو كان مهاجر سري، ودابا ما يقدرش يرجع لألمانيا، مع العلم أنه خلى فلوسو وحوايجو وكاع داك الشي اللي عندو تما.
دابا بلال كيطلب منها طلب بسيط، هو تاخذ البطاقة البنكية ديالو اللي فألمانيا وتصيفط ليه الفلوس ديالو لأن ما عندوش والو هنا في المغرب.
