علق حارس المرمى السابق للمنتخب المغربي بادو الزاكي على منح النيجيري فيكتور أوسيمين جائزة الكرة الذهبية الإفريقية خلال حفل جوائز الكاف الذي أقيم بمراكش.
وقال بادو الزاكي في تصريح خاص مع “ميد راديو” : ” بكل صراحة إيلا جيت نعلق غادي نكون قاصح بالنسبة للحفل، مغنعيبوش عليه من حيث التنظيم وعدة أمور اللي كانت فالمستوى العالي واللي البلد والجامعة كتمتاز بيها، لكن بالنسبة للجوائز لا يعقل تجي وتحيد بونو، وبونو كان هو المرشح الوحيد يفوز بالبالون دور، أما باش تقول ليا بونو أحسن حارس فإفريقيا ممقنعاش، لأن بونو هو اللي عليه الهدرة ولعب دور كبير فكأس العالم، وكان أساسي باش نادي إشبيلية توج بالدوري الأوروبي”.
وأضاف الزاكي حديثه حول بونو: ” الجميع كيتكلم على بونو، كتجي فآخر لحظة وكنتفاجأ أن بونو ماكينش واللي مرشحين كاين محمد صلاح وأوسيمين وحكيمي، تاحد مكينكر أن محمد صلاح لاعب كبير وحكيمي كذلك، ولكن النيجيري شنو دار؟، فاز بالبطولة في صمت، ونجيو ونظلمو بونو بداك الشكل، بالنسبة ليا كان ظلم كبير فحق بونو اللي كيستاهل الكرة الذهبية هو بونو”.
وأتمم حامي عرين الأسود السابق : ” بونو هو أحسن حارس في إفريقيا ومنين كتجي للتشكيلة المثالية ديال إفريقيا ماكينش فهنا كل المجهودات اللي كتدير الجامعة سواء من ناحية التنظيم أو أشياء أخرى كتجي هاد الهفوات ديال الكاف وكتخلي القيل والقال والطعم ديال الحفل ميكونش كيفما كنبغيو”.
ويعد بادو الزاكي حارس المرمى المغربي الوحيد الذي يملك الكرة الذهبية والتي فاز بها سنة 1986، بعد تألقه رفقة المنتخب المغربي في مونديال مكسيكو 1986.
