في تعليقها على الأحداث الاحتجاجية التي شهدتها منطقة آيت بوكماز، قالت فاطمة الزهراء المنصوري، وزيرة إعداد التراب الوطني والتعمير والإسكان وسياسة المدينة، إن العالم القروي “لا يمكن أن يبقى متفرجا على تنمية المدن الكبرى”.
وقالت المنصوري، في تصريح صحافي على هامش أشغال افتتاح الجامعة الصيفية لحزب الأصالة والمعاصرة، التي عقدت نهاية الأسبوع الماضي، “حقيقة تأزمنا، وأنا ديك الجهة كنعرفها مزيان واشتغلنا فيها وسنينا اتفاقية جهوية باش نتجاوبو مع انتظارات المواطنين… البارح شفت باللي كاين مشكل فهاد الشي ديال رخص السكن ولكن الامور غادية وكتتحسن، ونتمنى محليا وجهويا باش يتجاوبو مع هاد الساكنة وحنا كوزارة هادا هو دورنا”.
وأكدت وزيرة الإسكان أن وزارتها “بدلت مجهودا استثنائيا في العالم القروي”، مضيفة: “حنا واعينا كليا بأن العالم القروي ما يمكنش يبقى متفرج فالتنمية فالمدن الكبرى، داك الشي علاش الوزارة دارت سياسة خاصة موجهة للعالم القروي، والجهة تاع بني ملال كانت أول جهة زرتها ووقعنا برامج طموحة نتمناو تتفعل فأقرب وقت، ويكون عندها تأثير ايجابي على هاديك الساكنة”.
وتابعت المسؤولة الحكومية: “حنا مستعدين نهبطو لعندهم، كاينين مجموعة من الجماعات اللي كيحسو باللي كاين إقصاء فالتوازن المجالي فبلادنا وهادا واقع، وما غنكدبوش على بعضياتنا ونقولو راه انحلو المشاكل كلها في طرف عامين ولا 3 سنين”.
وأكدت الوزيرة وجود “مناطق مهمشة ومعروفة هاد المناطق مهمشة، والهشاشة ديالهم معروفة، ودرنا برامج لا فجهة بني بلال ولا فنواحي شيشاوة والنواحي ديال زكوراة… كاينة دينامية وغنحاول نتجاوبو معها وتكون مقاربة ترابية”، على حد تعبير المنصوري.
وقالت المتحدثة: “ساكنة آيت بوكماز فقلبونا بحال المغاربة كاملين، وحنا كمسؤولين اليوم كنتحملو جزء من المسؤولية ولكن راه عندنا حصيلة اللي كتبين باللي ما بقيناش إيدينا مربعين، وحنا المصلحة هي اللي دخلتنا للحكومة”.
