بقلم: نجيكم نيشان
حزب الحمامة تنادم معاه الحال على ود الشروط اللي دارها باش يدخلو لحكومة عبد الإله ابن كيران.
محمد عبو، عضو المكتب السياسي ديال التجمع الوطني للأحرار، مسح السما بليكة، وقال باللي كاع دوك الشروط ما كاينينش وكيتسناو الرئيس الجديد، والقيادة هي اللي غادي توضع الشروط من بعد.
دابا يا إما المشكل فاللي كيقول يا إما المشكل فاللي كيسمع، إما حنا المحللين اللي زايدة فينا شوية ديال الفهامة.
الشروط خرجو من فمهم باش يطلعو الأسهم في بورصة الأغلبية، ودابا ملي ابن كيران دور البارابول عند الاتحاد الاشتراكي والاستقلال، حطو الحمامة في طبسيل رئيس الحكومة.
ولايني رفيسة هادي بالحمام!!