كشف وزير الصناعة والتجارة والاقتصاد الرقمي المغربي، مولاي حفيظ العلمي، عن ما دار بينه وبين وزيرة مصرية بخصوص المبادلات التجارية، مؤكدا أنه فرض على الجانب المصري مراجعة العلاقات التجارية بين البلدين.
واتهم العلمي، في لقاء مع أعضاء لجنة برلمانية بمجلس النواب الأسبوع الماضي، السلطات المصرية، بعرقلة الصادرات المغربية وتزييف واردات المغرب.
وقال العلمي “البارح كان عندي اجتماع مع وزيرة ديال مصر، بقى فيها الحال، علاش بلوكيت كلشي، قلت ليها أنا اللي بلوكيت كلشي”.
وأضاف العلمي “مع تركيا سالا الموضوع، ودابا حليت الملف مع مصر، واش أن كنخسر ستة دالمليار وصبرت حتى عيت، تنصيفطو ليهم سيارات المغرب، كيقول ليك يلا مصنعة فصوماكا دوز ويلا فرونو ما دوزش، سبحان الله”.
وتابع: ”قالت ليا علاش نتوما كديرو لينا الكونترول قلت ليها غنكون معك واضح، أنا اللي خالق ليك المشكل، وغنخلق ليك مشاكل كثر من هاد الشي اللي شفتي، أنا داك الشي اللي درتو ليا غنديروه ليكم، علاش المواد المغربية ملي كتوصل لعندكم كتبقى 3 شهور باش تدخل، وبغيتي ندخل ليك داك اليشي ديالك فنهار زعما حتى أنا ما كنفهمش”.
وأوضح العلمي “قلت ليها يلا بلوكيتي 3 شهور غنعاملك بالمثل، ويلا بلوكيتي سيارات المغرب ما غيدخلوش المواد ديالك، قالت ليا لا دابا فهمنا، نديرو لجنة ونحلو المشاكل، فاللول ما كانوش كيعترفو بنا نهائيا”.
وختم حديثه بالقول “حنا خوت بصح، ولكن ماشي تستفد مني ونتفرج فيك أنا، نصنع داك الشي ديالي تلوحو ليا وانت تجي تبيع داك الشي ديالك فالمغرب مستحيل… حنا دابا غادين معاهم واحد بواحد واللي خرج الطريق تنديرو خدمتنا، وما كنضسرو على حد، وكنقولو للناس را داك الشي اللي تديرو لينا غنديروه ليكم”.
https://fb.watch/6qFrF7EwEv/
