عاتب العالم المغربي رشيد اليزمي، المتخصص في بطاريات الليثيوم، صناع القرار في المغرب على “عدم جرأتهم”،
وقال اليزمي، خلال استضافته في برنامج “بدون لغة خشب”، اليوم الجمعة (25 نونبر)، على إذاعة “ميد راديو”، “أنا باحث وكنزور العالم كامل وكنشوف مثلا هاد السيارة الكهربائية، دازت فالصين ومن بعد إيلون ماسك دار تيسلا، وكنشوف هاد الشي جاي جاي، علاش ما نبداوش به حنا؟ ويكون عندنا معمل قبل من ديال ايلون ماسك؟، كان ممكن من بعد ما توشحت من سيدنا فـ2014، كان ممكن نديرو مصنع فـ2015”.
وأضاف العالم المغربي: “حنا الناس اللي كياخدو القرار خاصهم شوية ديال الزعامة والجرأة في إتخاذ القرار”.
وعبر العالم المغربي عن رغبته في أن يرى مركز البحث حول بطاريات المستقبل الذي تم إحداثه بالجامعة الخاصة لفاس النور، موضحا: “المختبر واجد خاصنا غير نأتتوه خاصو الإمكانيات، أنا الحمد لله اي طالب تخرج من عندي كيقدر يدخل للجامعة كاسناذ جامعي ولا يمشي للصناعة، لأن البطاريات كلشي كيقلب عليهم، وتخصص مطلوب عالميا، وما كاينش فالمغرب أي مدرسة دالمهندسين اللي فيها هاد التخصص، وكاين البحث العلمي كيفاش غتكون بطارية 2030، وبغينا هاد المعهد يكون أول معهد إفريقي خاص بتأهيل أطر الهندسة، وخصوصا في صناعة السيارات الكهربائية.
وذكر المتحدث بأنه خريج المدرسة العمومية المغربية، قائلا: “أنا منتوج المدرسة المغربية مية فالمية، حتى لـ19 سنة، أنا ملي كنت فالباك فقانوية مولاي إدريس ففاس، وصحابي كانو فلاميسيون وكانو كيجيو عندنا فمولاي دريس نقريوهم”.
وأشار المتحدث إلى أنه كان شغوفا بالبحث منذ صغره، وقال خلال اللقاء: “أنا أول صانع هيدرجين ففاس، كنت كنصنع الهيدروجينفالبيت ديالي، كنصنع بالونات”.
وكشف اليزمي أنه يتوفر اليوم على 180 براءة اختراع، لفت إلى أن أول إختراع له كان هو “الغرافيت، ديك المادة السوداء اللي كتتستعمل فالقلم الرصاص”.
