سيادنا على سلامتكم. ربي خرج سرييسكم على خير مع أنغولا. وعلى ما كيبان، الطاوسي داير شي أجر وقف معاه فهاد الماتش!
ما عليناش, الخير أمام، غير هو هاد الحملة الوطنية للنكير (مع 3 نقط على الكاف) كتعصب الواحد.
علاش دخل هذا وعلاش خرج هذا وعلاش ما ضربش الكرة هكذا وخاصو يدير هاكدا… وزيد وزيد!
مرة يقولو خاص المدرب ولد البلاد. مرة يقولو خاص اللعابة ديال البطولة. مرة يقولو خاص فلان يجي. مرة يقولو خاص فرتلان يمشي… وبزاف هاد الشي. ألحمداوي واعر ولكن شوية يقولو عليه راه عيان. الطاوسي فنان شوية يقولو عليه ما فيدوش.. حتى حاجة ما تعجبنا.
على ما كيبان حتى الجمهور فيه الخلل.. زعما الديفو!
تشاو تشاو.
