عبر سفيان البوفتيني، لاعب المنتخب الوطني المحلي، عن سعادته بتسجيل أول هدف له بالقميص الوطني، يوم أمس الأربعاء (3 فبراير)، أمام المنتخب الكاميروني.
وقال البوفتيني في تصريح لموقع “كيفاش” أن “أي لاعب مغربي كيكونو عندو طموحات مع الفريق الوطني ويقدم مقابلات في المستوى ويحاول يعاون الفريق ديالو وما يبخلش عليه وهذا را شرف لأي لاعب يسجل مع المنتخب”.
وعن الخلاف الذي نشب بينه وبين زميله أنس الزنيتي في نهاية الشوط الأول من المباراة المذكورة، قال البوفتيني “أي حارس مع المدافعين ديالو كيكونو نقاشات داخلين في الكرة والحارس ملي كيكون عندو أسلوب حوار بينو وبين المدافعين فهذا را كيكمل وكيكون تناسق بين الخط الدفاعي مع حارس المرمى وخاص ديما الحارس يغوت على الزملاء ديالو وينهيهم باش يتفاداو الأخطاء والأهداف وهذا شيء عادي أننا نتناقشو مع بعضياتنا فالملعب”.
ووجه البوفتيني رسالة إلى الجماهير المغربية “كنطلب من الجماهير يشجعونا واخا بعاد علينا را غير التشجيعات ديالهم عبر مواقع التواصل الاجتماعي فهي كتحفز اللاعبين والحمد لله حنا كنمثلو الراية الوطنية وكنتمنى أننا نتوفقو فهاد النهائي ونهديو الجماهير ديالنا هاد اللقب اللي غيكون فخزينة المنتخب الوطني المحلي لثاني مرة ونفرحو ريوسنا وواليدينا والجماهير ديالنا”.
