ادعت حنان، ذات 19 سنة، أنها زوجة الشيخ محمد الفيزازي، وبأنه ينكر هذا الزواج، بعد أن أمضت 5 أشهر على ذمته.
حنان أكدت، لموقع “كيفاش” أنها ارتبطت بالشيخ الفزازي بزواج بدون عقد (الفاتحة)، بعدما تعرفت عليه على موقع التواصل الاجتماعي فايس بوك.
بداية القصة، حسب رواية حنان، كانت بمحادثات على الفايس بوك، ليطلب الفيزازي الارتباط بها، وهو الطلب الذي وافقت عليه وأسرتها، ليتم “الزواج” في منزل أسرتها بعد أسبوع فقط على تعرفهما.
وأضافت المتحدثة: “من بعد ما جا عندنا هو والوالد ديالو، مشيت معاه لطنجة أنا وماما، وملي دخلت للدار لقيتها عبارة عن مقر لجمعية، وما فيهاش الفراش، فيها بزاف ديال البيروات وناموسية صافي”.
هنا بدأت تنكشف الحقيقة، تسترسل المتحدثة، “كان كيجي عندي يدوز معايا ساعة فالنهار ويمشي، عمرو ما بات عندي.. ووليت فيما نقوليه ا الشيخ نديرو العقد كيقولي نتي مكلخة وما كتعرفي والو، حيث أنا ما قرياش، وكان كيعايرني ويسبني”.
ومما جاء على لسان حنان أنها، بعدما أجهضت جنينها، سمعت الشيخ يخاطب الطبيب بالقول: “الحمد الله أنا ما باغيش منها الولاد”.
وبعد أشهر على هذا الحادث، تقول المتحدثة، “كنت في الدار (مقر الجمعية) بالليل، وجاو عندي شي وحدين كيدقو عليا كيقولو لي حلي الشيخ الفيزازي في خطر، حليت وهوما يشدوني من شعري ونزلوني ودخلوني للطومبيل وبقاو كيحيدو ليا حوايجي وداوني لواحد الخلا عراوني كاملة، وبقاو كيكميو ويشربو الشراب ويخويوه عليه، وصورني عريانة وقالو ليا يلا ما خويتيش طنجة غنفضحوك ونشرو الفيديو”.
رغم هذا الحادث، الذي وقع يوم الجمعة الماضي (29 شتنبر)، تضيف حنان، رفض الشيخ الفيزازي، على حد روايتها، أن تضع شكاية لدى السلطات المختصة، “كان كيقولي غير غتشوهني وأنا شخصية معروفة… من بعد طلقني وعيط على خويا قاليه أجي لطنجة وجا خويا ورجعني لدارنا”.
وتقول حنان: “دابا أنا فحال يلا ضحك علينا ولاحني من بعد خمس شهور ديال العشرة، لاحني كيف دار مع شحال من وحدة”.
رواية الشيخ الفيزازي
في رده على ما جاء على لسان حنان، أكد الشيخ محمد الفيزازي أنه بالفعل تقدم لخطبتها “على سنة الله ورسوله”، قبل أن يكتشف أنها “عضو في شبكة للدعارة”، على حد تعبيره.
يقول الشيخ الفيزازي، في اتصال لموقع “كيفاش”، “فعلا تقدمت لخطبتها على سنة الله ورسوله، وهي سيدة مطلقة من سبت كزولة، وروحنا أنا والوالد والوالدة عند العائلة ديالها”.
وأضاف الفيزازي: “عملنا جميع الإجراءات التشريعية، وجمعنا الوراق ودفعناهم للمحامي (م.ك) في المحمدية، لتوثيق عقد النكاح، وجبتها معايا للطنجة هي والوالدة ديالها، وعاشت مع زوجتي الفلسطينية”.
واسترسل المتحدث في سرد تفاصل القصة قائلا: “المعاشرة الزوجية بقات متوقفة لغياب العقد.. وإذا بنا كنكتشفو بأنها عضو في شبكة للدعارة… باش فضحها الله أنها واحد النهار خرجات مع 11 دالليل ومن بعد عيطات ليا فالوحدة دالليل كتقول لي انا خطفوني وداوني للخلا، وأنا فطاكسي ماجية للدار خرج عندي”.
وتابع الشيخ الفزازي: “خرجت عندها أنا والزوجة الفلسطينة لقينها لابسة عباية وحفيانة وشعرها محلول ومفزوعة، ما فهمنا منها والو خليناها حتى هدات وفهمنا منها أنها خرجات مع 11 دالليل مشات لعندهم لحدا الولاية ديال العوامة، و5 دالناس تكرفسو عليها”.
واسترسل المتحدث: “جبرنا أنها ما فيها لا ضرب لا اعتداء وباقي عندها البورطابل والحلقات ديالها، وعامرة بريحة الكارو والمخدرات.. خديت ليها التلفون لقيتها عندها علاقات وكتفسد.. هي منقبة معايا وعريانة في أماكن أخرى”.
واستدرك المتحدث: “قالت لي ملي رجعت باللي قالو ليها الشيخ عندو الفلوس عطينا 2 دالمليون باش ما نشروش الفيديوهات، وفالأول مشينا فهذا الاتجاه ديال أنها ضحية ولكن ملي خديت لاكارط ديال التلفون لقيت كلشي”.
وقال الشيخ الفيزازي إنه اتصل بشقيقها ووالداتها “وداوها وأنا لحد الآن كتتصل بيا كتقولي غنشوهك ونخسر ليك السمعة ديالك أنا غير بنت انت اللي شيخ وداعية إلى الله تعالى”.
