ما يان أريتباين زوند أر إيتورار س واووال، ماشنت غ تيديت، ما ياد إيگا إيميزي إيسيويدن.
أرگاز إيغال إيسيگا “ضمير الأمة” دالواعض نس د واللي راست إسنجم.
أرگاز إيتو- نغد إيسكر إيس إيتو- ماسد المغرب أوريگا تيرغالت ن أمزگون، المغرب أمور ن أولالو د أوزگا، د تمرسال إيدوسن.
أوهوي، المغرب أور إيگا إيران.
أيلي إيطاف المغرب إيگات “مرجعية دينية شرعية”، توت س إيزوران غ أمزروي: “إمارة المؤمنين”.
المرجعية ياد اللي يتمثالن الإسلام إيگان “معتدل” د “متسامح”، إينورزم فكولو أماضال، إيسوفا س تماگيت تامغربيت.
تسوتل أس يات تمرسلت تماسانت ياتوين تگات أسقيم أماسان أنافلان، اللي يسمون إيماسان د الفقهاء د الحكماء، اللي أوريساوالن أفاد أدسينفن نغد أد حگرن، ماشنت باش أد سيسفيون أغراس ن الحكمة د الرشد.
أما كيين.. ماتگيت؟
ماتگيت باش أتطات إيسلگان ن الولاء إ وامور؟
مايك إيفان أزرف أتاطات المغاربة أرتينيت غويد گان “أوفياء” غويد گان “خونة”؟
مايك إيفان أزرف أتحتكرت تنامورت، زوند إيغ إيگا الانتماء إ المغرب يات تغاوسا إيلان غار س الخاطر نك؟
أرتساوالت زوند إيغ تگيت أمسيول أونصيب س اسم ن أسگد.
ماشنت ماگيگ إيسكرن الإمام فالضمائر ن مدن؟ ماتگيت باش أتاطات “صكوك الانتماء العقائدي؟
أد تحاكمت النوايا أرتجياست أسيافا س ماغاك تلا صاحا نك؟
ماتگيت باش أتساوالت س تمغارين ن المغرب س تغاراست غور إيلا لوقر، تينيتاسنت تانا أوريتهالن تگا “بلارج”؟
ماتگيت باش اتسمونت كولو إيناروزن ن تمغاريت غ الطاعة د اد تقل؟
أوهوي، تيمغارين ن المغرب أوراتقلنت س يان.
نتنتي أيسورين أر تقرارنت أر بنونت.
أور سغاويانت س أسماقل نك گيسنت إيضسان، ولا س لادن نك باش أد درنت گانت تحرارين مقورنين.
ماتگيت باش اتساولت س تمرسالت ن إيسرداسن؟
القوات المسلحة الملكية تگا يات تمرسالت اللي دار السيادة، أرتسوري إيصحا ن وامور، تحضو السيادة نس، تدافع فالسلامت نس د وكال نس، غ دو إيوز ن القائد العام، باب ن وادور.
كيين غگلي بدا، كودنا وكان تزريت إوتا زگاغنين، ارن تنتالت غ تاسنتوت تاگلدانت.
أرتارمت أورتسيودت ويلك ايضفورن، أرتليت س العدور، زوند إغ سيك إيسغاوسا العرش مقال الغرب.
تيكركاس.
تكنداوت.
الانتهازية.
كيين أورتگييت لامان.
كيين أورتگييت “البوصلة”.
كيين أورتگييت يان واواال.
كيين يان أورگاز إيتاضن س تنباضت.
كيين يان أورگاز إيسنيفيلن أواال نس د مانيك س ديوشكا واضو.
كيين يان أورگاز ياضان أوراغ إيسمون.
أرگاز ياغ إيرفي ن “النفوذ”، ييزطير أيگ أفوس نس دواناك يوف أفاد أيغاما غ واماس ن تولافت.
أسقسي إيستاوهمان، إيزد تاولافت أد ن المغرب أنرا أست نسلكم إيموماضال؟
أماضال إيتنفالن س الزرب، أماضال ن توسنا، د التكنولوجيا، د تدرفيت، د تماسايت، د الذكاء الاصطناعي.
إيزد ما ياد أيگان تاكاسيت اللي تريت أستيد تفلت إ يوكابار أسرتان ن الدكتور عبد الكريم الخطيب؟
أكابار الليد إيلولن غ تنامورت د التواضع د ماغ تلا صاحا ن وامور؟
أهوي.
المغرب ايسغاوسا س ما يوفن.
المغاربة سغاوسان س ما يوفن.
نسغاوسا س إنمغورن، أورد إيخندلاسن.
نسغاوسا س “الوضوح” أورد “الشعارات”.
س تيلاوت أورد النفاق.
س تنايت أورد الهوول.
فاتاس النصحية.
أفاد أنفوغ غ تاگوت أد.
إينيات يان واووال إيبي ميا… أورانضفور أمانار إيجلون!
