أشاد الدولي المغربي إلياس شاعر، بخصال الناخب الوطني وليد الركراكي، معتبرا أنه أحسن مدرب في بطولة كأس العالم بدون منازع.
وخلال الندوة الصحافية التي حضرها رفقة وليد الركراكي، اليوم الثلاثاء (13 دحنبر)، قال شاعر في حديثه عن العلاقة التي تربط اللاعبين بالناخب الوطني: “شفتو شنو دار مع اللاعبين وخلق جو جديد فحالا حنا عائلة، الركراكي هو أحسن مدرب في المونديال واخا الناس كيقولو باللي باقي صغير وما عندوش تجربة ولكن حنا اللعابة مكيهمناش هاد الشي بالنسبة لينا هو أحسن واحد يقدر يوصل بينا لأقصى حد فكأس العالم”.
وأوضح لاعب المنتخب المغربي، أن الفريق تجمعه علاقة خاصة بالمدرب وليد الركراكي، مؤكدا: “وليد كيعاونا ماشي غير فالكرة حتى فحياتنا الخاصة مع واليدينا وعيالاتنا إلا كان عند الواحد فينا مشكل يقدر يمشي عندو ويعاود ليه وغادي يكون بمثابة الأخ الكبير بعيد على أنه مدرب”.
وأعرب شاعر، عن متمنياته بالتوفيق لمدربه، قائلا: “كنتمناو ليه الخير حيت كيستحق”.
وفي رده على سؤال صحافي حول ما إذا كان منزعجا لعدم إشراكه في اللعب خلال أدوار المونديال، قال شاعر: “أنا في نصف نهائي كأس العالم ما عمرني كنت نحلم بهاد الشي ويلا شفتو شنو صنعنا كفريق راه فاش كتعطاني فرصة كنكون واجد ولكن باش نتزعج حيت ما لعبتش ما يمكنش”.
وعن الحرص على تواجد أقارب اللاعبين في قطر لمساندتهم ودعمهم، قال الدولي المغربي: “كاينين واليديا ومراتي ولكن حنا وعائلات اللعابة عائلة وحدة وهاد الشي كيمدنا بالقوة”.
