• فبراير المقبل.. المفوض الأوروبي المكلف بسياسة الجوار والتوسع يزور المغرب
  • فتيرانو.. الوداد يكتفي بتعادل مع الفتح قبل “الموندياليتو”!
  • الكاشي والعقد والتوني.. مارسيليا يقدم لاعبه الجديد أوناحي
  • بفضل ثقة الكاف وقدرته على التنظيم.. المغرب الأقرب لاستضافة بطولة أمم إفريقيا 2025
  • لقاو راحتهم.. السفير المصري يزور نادي الأهلي في تطوان ويحضر أول حصة تدريبية استعدادا للموندياليتو (صور)
عاجل
الإثنين 09 يناير 2023 على الساعة 13:00

وهبي عن جدل “ولدي باه لاباس عليه”: أنا ملي كنتعصب كنقول داك الشي اللي فقلبي… وحنا كنخدمو وكنتقاتلو على قبل ولادنا وبلادنا

وهبي عن جدل “ولدي باه لاباس عليه”: أنا ملي كنتعصب كنقول داك الشي اللي فقلبي… وحنا كنخدمو وكنتقاتلو على قبل ولادنا وبلادنا

رد عبد اللطيف وهبي، وزير العدل، عن الجدل الذي رافق تصريح سابق له، والذي دافع فيه عن نجاح ابنه في امتحان المحاماة.

وقال وزير العدل، في تصريحه، “ولدي عندو جوج إجازات، باه لاباس عليه خلص عليه وقراه فالخارج، واش ولدي ماشي مواطن؟”، ما أثار غضب العديد من المغاربة الذين اعتبروه تهجما على أبناء الفقراء، وأنه يضرب في مصداقية التعليم الأساسي والجامعي في المغرب.

وفي رده على الجدل، قال وهبي خلال حلوله ضيفا على برنامج “مع الرمضاني” يوم أمس الأحد (8 يناير)، “أنا كنتعصب فبعض الأحيان وكنقول داك الشي اللي فقلبي، حنا كنخدمو وكنتقاتلو على قبل ولادنا وبلادنا هادو جوج أمور اللي عندنا”.

وأضاف “ولدي تدرب 4 سنين قبل ما يدوز الامتحان، وعندو إجازة مغربية وإجازة كندية”.

وتابع “المغاربة كلهم سواسية بحال ولد الوزير بحال ولد المخازني، ولكن واش المنصب ديال ولدي هو اللي داير هاد المشكل كامل؟”.

وواصل وزير العدل حديثه بالقول” دابا هاد 2000 واحد اللي نجح ما فيهمش ولاد الشاوش ولاد العساس، ولاد الشعب كامل، فيهم غير هادو اللي سقطو وكيغوتو؟”.

ولفت وهبي إلى أنه” حتى واحد ما جا قال ليا شكرا على هاد 2000 واحد اللي حيدتي من البطالة، كلشي كيقول ليك علاش ما نجحنا، أجي شوف النقطة ديالك وتعجب ليها”، متسائلا “واش 2000 واحد كلها فيها تدخلات كاع انا عندي هاد القوة؟”.