• رئيس الكاف مصاب بكورونا.. عزل راسو 14 اليوم وخبرو كاع اللي تواصلو معاه ملي جا للمغرب
  • حتى حنا معاهم.. كورونا وصل في بلدان شرق المتوسط إلى منعطف ينذر بالخطر
  • “حشومة فحق المسار ديالو وماشي من قيمتو”.. فايسبوكيون ينتقدون مشاركة الصويري في “ذا فويس سينيور”
  • بعد تفاقم الوضع الوبائي في كازا.. طبيب يحذر من انفجار وبائي ويقدم وصفته لتفادي الحجر الشامل
  • فتك ببعضهم.. كورونا يضرب أهل الرياضة والفن والإعلام في المغرب
عاجل
السبت 10 أكتوبر 2020 على الساعة 21:00

وهبي عن الحركة التصحيحية داخل البام: واش غير اللي دار ورقة كتب فيها حركة تصحيحية نتبعو أنا؟

وهبي عن الحركة التصحيحية داخل البام: واش غير اللي دار ورقة كتب فيها حركة تصحيحية نتبعو أنا؟

اعتبر عبد اللطيف وهبي، الأمين العام لحزب الأصالة والمعاصرة، أن ما يروج حول “تفكك البام” “مجرد تمنيات لدى البعض”.

وعن ميلاد حركة تصحيحية داخل الأصالة والمعاصرة، في مدينة أكادير، أطلق عليها اسم “لا محيد”، قال وهبي، خلال استضافته في برنامج “بدون لغة خشب”، أمس الجمعة (9 أكتوبر)، على إذاعة ميد راديو، “حركة تصحيحية دارت بيان ما موقع فيه حتى واحد، وقعو بعدا البيان عاد نتداكرو، ونعرفو شكون فيها وشكون ما فيهاش”.

وتابع وهبي: “ورقة خرجات ما وقع فيها حتى واحد قاليك حركة تصحيحية، شي واحد جالس فالقهوة كيظهر لي هو اللي كتبها فلحظة من اللحظات”، مردفا: “عطيونا الأسماء ديال اللي وقعو واش 50 ولا 100 واحد ولا 200 واحد ونمشي نقوليهم مرحبا، أما يلا كان شي واحد بوحدو كيتكلم بسميتها؟ واش غير اللي دار ورقة كتب فيها حركة تصحيحية نتبعو أنا؟”.

إقرأ أيضا:بغاو يرجعو التراكتور للسكة.. الإعلان عن حركة تصحيحية داخل البام

وأضاف المتحدث مستصغرا من شأن هذه الحركة التصحيحية، “أنا كنتعامل مع الأمور الجدية ماشي أي واحد كتب شي حاجة ولا واحد ما عندو حتى قيمة سياسية ولا اجتماعية وما عندو حتى نائب برلماني ويجي يقول ليا أنا “لا محيد”!… كيفاش بغيتيني نضحي بالحزب والناس اللي محترمين التنظيم ونمشي نضيع وقتي أنا مع واحد كاع ما عرفتوش واش كاين ولا ما كاينش”.

ورفض الأمين العام لحزب الجرار “تضييع” وقت البرنامج في مناقشة موضوع الحركة التصحيحية داخل حزبه واصفا إياها بـ”الترهات”.