• للراغبين في أداء مناسك العمرة.. السعودية تطلق تطبيق “اعتمرنا”
  • طنجة.. السلطات تواصل مراقبة المحلات اللي عندهم الشراب
  • دراسة: فيتامين (د) يقلل وفيات وأعراض كورونا بنسبة كبيرة
  • أخنوش: ملي بدينا جولة “100 يوم 100 مدينة” بعض المنافسين قالو لينا هدفكم النقد الهدام… وتلاقينا فيها مع 35 ألف مغربي 
  • بعد تزايد حالات اغتصاب الأطفال.. الرميد يطالب بمعاقبة الجناة
عاجل
الإثنين 05 أغسطس 2019 على الساعة 23:59

هاد الشي اللي بقى.. “معالج رباني” كيدير التشخيص الطبي!

هاد الشي اللي بقى.. “معالج رباني” كيدير التشخيص الطبي! Image processed by CodeCarvings Piczard ### FREE Community Edition ### on 2016-01-08 04:20:32Z | |

ما زال المغاربة ما سالاوش مع صحاب الرقية الشرعية والمعالجين الروحانيين اللي رجعو كثر من المرضى فالمغرب، حتى خرج نوع جديد سميتو “معالج رباني”، والوحيد اللي عندو هاد التخصص العجيب هو الحاضي المختار فتطوان.
هاد السيد كان تشهر ف2017 من بعد ما خرجات ورقة على شكل تشخيص طبي كيقول فيها الأمراض اللي عند واحد السيدة كانت عندو، وهاد الأمراض اللي كتب، خاصها طبيب مختص، ولكن المعالج الرباني كيف كيسمي راسو قدر يعرفهم.

المختار الحاضي عاود بان هاد العام، وخرجات ورقة جديدة فيها التوقيع ديالو، فتاريخ 29 يوليوز اللي فات، وكاتب فيها تشخيص لواحد المريض جا عندو، وبعيدا على الأخطاء اللغوية اللي دار، السيد مطلع النيفو ديالو بصاح، حيث من بعد التشخيص “الدقيق” اللي دار للأمراض المعدية وفقر الدم، كتب للمريض اللي زارو، أن خصو يتابع الدوا اللي غادي يعطيه الطبيب المختص، بمعنى بلا ما يمشي يشوف شي معالج رباني آخر!

موقع “كيفاش” حاول يتصل بالحاضي، باش يوضح كيفاش كيدير لهاد التشخيص، وهو ما عندو حتى شهادة فالطب، ولكن “المعالج الرباني” كان فالجامع وجاوب فالتلفون، وقال باللي راه كيصلي وما يقدرش يهضر، ومن بعد ما بقاش بغى يجاوب على الاتصالات الآخرين.