• مسلمة ومحجبة.. إسبانية من أصل مغربي توثق زواج فتاتين مثليتين في مدريد (صور)
  • الزهايمر في زمن الكورونا.. معاناة مضاعفة
  • الفقيه بن صالح.. نجاح عملية جراحية لاستبدال كتف بشري بمفصل اصطناعي
  • رئيس شبيبة الأحرار لعبد الرحيم بوعيدة: عن أي نضال تاريخي تتحدث… صغرت وقبلت على نفسك أن تمحى من تاريخ الحزب!
  • بعد إصابته بكورونا.. الرباح يكشف عن حالته الصحية
عاجل
الأربعاء 28 أغسطس 2019 على الساعة 00:00

ما كيدخلوش سوق راسهم.. نفيسة بنشهيدة دارو ليها حالة على قبل صورة فلابسين!

ما كيدخلوش سوق راسهم.. نفيسة بنشهيدة دارو ليها حالة على قبل صورة فلابسين!

حراس الفضيلة اللي هازين سمومهم وكيدورو فإنستغرام، ناضو السيمانة اللي فاتت للممثلة المغربية نفيسة بنشهيدة، حيت حطات فالحساب ديالها صورة فلابيسين.
الصورة اللي حطات نفيسة بنشهيدة بحالها وأكثر منها حاطينهم بزاف ديال البنات فإنستغرام، ولكن بنشهيدة حيت ممثلة مغربية ومعروفة خلصات ضريبة الشهرة، وسمعوها رواد هاد الموقع، واللي ما كانوش كيكتبو عندها التعاليق كاع فالأول، كلام خايب وسبان ما عمرها سمعاتو.
الفنانة اللي كان عندها عدد قليل ديال المتابعين، فجأة تزاد عدد ديالهم من بعد هاد الصورة، وحتى الصور ديالها اللي ما كانوش كيفوتو 1000 لايك وشي بركة قليلة ديال التعاليق، الصورة الأخيرة ديالها فلابسين فاتت 6000 لايك والتعاليق فاتو 300 تعليق، وأغلبهم كانو سب وقذف، ونصائح وتشييء ليها ومنهم اللي هضر ليها على العمر ديالها، بحال يلا العومان عندو سن معين.
بنشهيدة وعكس فنانات ومشاهير وقعات ليهم نفس الحالة، هي ما مساحتش الصورة، وما حيداتش خاصية التعاليق، ولكن زادت حطات فيديو آخر، وأكثر جرأة، وخلات هاد المنتقدين طرطق ليهم المرارة بالمهل!