• رؤية في الأفق لجذبِ 26 مليون سائح.. الوزيرة عمّور تترأس لقاءً مع خامسِ أكبر شركة طيران في أوروبا
  • الحكومة تشرع في إصلاح نظام التقاعد.. الاجتماع الأول ترأسته نادية فتاح… ورحّبت به المركزيات النقابية والباطرونا!
  • بسبب ارتفاع الأسعار و”انهيار” القدرة الشرائية و”عجز” الحكومة.. نقابة تستعد للاحتجاج أمام مقر البرلمان
  • الحريرة بين الجزائر وقناة “CNEWS” وحنا مالنا.. فرنسا كتقلب منين تدوز للمغرب؟
  • اتهموا جامعات بـ”تجاهل” قرارات الوزير.. الطلبة العائدون من أوكرانيا يطالبون ميراوي بالوفاء بوعوده
عاجل
الإثنين 15 أغسطس 2022 على الساعة 15:00

غادي ينقصو فيه.. بشحال غادي يولي المازوط وليصانص؟

غادي ينقصو فيه.. بشحال غادي يولي المازوط وليصانص؟

ستعرف أسعار المحروقات في بعض المحطات، اليوم الاثنين (15 غشت)، انخفاضا جديدا بحوالي درهم واحد في سعر الغازوال، وحوالي 70 أو 80 سنتيم في سعر البنزين.

وفي تصريح لموقع “كيفاش”، قال الطيب بنعلي، نائب رئيس الجامعة الوطنية لأرباب وتجار ومسيري محطات الوقود بالمغرب، إنه “كاين بعض الشركات اللي خبرو الشركاء ديالهم بأنه كاين انخفاض في أسعار المحروقات البارح الأحد مع الطناش ديال الليل، وكاين شركات أخرى اللي خبرت الشركاء ديالها اليوم بهاد الانخفاض”.

وأضاف “ولكن هاد الانخفاض باش يمكن يمر في المحطات خاص حتى نساليو المخزون اللي عندنا، حيت كيكون عندهم مخزون شارينو بثمن طالع يعني خاص حتى يكملوه عاد ينقصو، وكل محطة على حسب التموقع ديالها، كاين اللي كتبيع المخزون ديالها في يومين وكاين اللي كتبيعو في 3 أيام وكاين اللي كتبيعو حتى لسيمانة”.

واشتكى بنعلي من ما وصفها بـ”المنافسة غير الشريفة في بعض الشركات”، قائلا “حنا كنشتكيو المنافسة غير الشريفة اللي كتقوم بها بعض الشركات المخفية في المحطات اللي كتسيرها هي مباشرة، وكطبق فيها الانخفاض النهار اللي كيعلنو عليه وهاد العملية منافية لقانون المنافسة لأن البيع بالخسارة ممنوع”.

وتابع “هاد الشركات بما أنهم كيبيعو بالجملة وفي نفس الوقت كيبيعو بالتقسيط يعني كيستغلو الهامش اللي عندهم في الجملة وكيبيعو التقسيط بالخسارة، وحنا اللي عندنا هامش الربح محدود ما يمكنش تنقص المحروقات بدرهم نقصها أنا خاصني حتى نكمل المخزون اللي عندي عاد نقدر نقص”.