• البام: النقاش حول سحب الحكومة مشاريع قوانين من البرلمان “سجال سياسوي”
  • شعلات فيها العافية.. حيار تزور دار للمسنين في كازا للاطمئنان على حالة النزلاء (صور)
  • فتح الحدود.. البام داير رجل فالحكومة ورجل فالمعارضة (صور)
  • وصفته بـ”الهش والشارد”.. نقابة تعليمية تعلن رفضها للاتفاق الموقع مع الحكومة
  • شي مخلوع شي متفائل.. تعليقات المغاربة تنقسم قبل مباراة المغرب مصر (فيديو)
عاجل
الإثنين 29 نوفمبر 2021 على الساعة 16:15

حمضي: تعليق الرحلات جا باش ما نغامروش ونعرفو شكون هاد “أوميكرون”

حمضي: تعليق الرحلات جا باش ما نغامروش ونعرفو شكون هاد “أوميكرون”

كشف الطبيب والباحث في السياسات والنظم الصحية، الطيب حمضي، عن سبب تعليق جميع الرحلات الجوية نحو المملكة لمدة أسبوعين.

شكون هاد “أوميكرون”

وأكد حمضي في تصريح لموقع “كيفاش”، أن قرار الإغلاق لأسبوعين سيمكن من معرفة الأجوبة الأولية حول مقاومة المتحور الجديد لفيروس كورونا “أوميكرون” للقاحات المستعملة من عدمها، موضحا أن هذا القرار يأتي في إطار الحرص على المكتسبات المحققة بخصوص محاربة كورونا.

وقال حمضي “هاد جوج أسابيع غير باش نعرفو أولا الأجوبة الأولية اللي غتكون متوفرة بخصوص أوميكرون، يعني واش كيقاوم اللقاحات المستعملة فالمغرب وفالعالم ولا لا”.

وأضاف “معطيات كثيرة غائبة، وما عارفينش درجة انتشار وسرعة أوميكرون ومدى شراسته وشحال كيعطي ديال الحالات الخطيرة والوفيات، وهاد الشي علاش سدينا 2 سيمانات باش ما نغامروش”.

“أوميكرون”.. الدراسات بدات

وأشار حمضي إلى أن “الدراسات بدات فالمختبرات، ومن دابا لجوج أسابيع غتكون عندنا واحد النتيجة أولية باش نعرفو واش اللقاحات المستعملة فالمغرب وعالميا باقي عندها فعالية كبيرة ولا غتنقص الفعالية ديالها”.

وتابع “بلادنا ولات عندها دراية كبيرة في تدبير الجائحة، متماشية مع المعطيات الجديدة حول سرعة انتشار الفيروس، ولكن بالنسبة للخطورة ديال هاد المتحور الجديد وسرعة انتشاره والمقاومة ديالو للمناعة ما يمكنش نغامرو ونخليو هاد المتحور يدخل وينتشر بسرعة فبلادنا”.

وختم الطبيب والباحث حديثه بالقول “هاد جوج أسابيع غتكون مهمة باش نتطلعو على هاد المعطيات، وخاص جميع الدول يكون عندهم المعلومات الكافية باش يمكن ليهم يدبرو هاد الجائحة وفق المعطيات الجديدة، حيت فغياب هاد المعطيات كل الدول غتكون مضطرة باش تشدد بشكل قوي جدا الإجراءات الداخلية”.

إقرأ أيضا: شكون الفئة اللي أكثر عرضة للإصابة بمتحور أوميكرون؟.. طبيب وباحث يجيب