• بونو: عندنا فرصة أخرى باش نزيدو نكتبو التاريخ ونفرحو الجماهير المغربية (فيديو)
  • اتهمته بـ”التهجم المتغول” عليها و”تهريب” النقاش العمومي.. فرق المعارضة تنتقد تصريحات الناطق باسم الحكومة
  • نشرة إنذارية.. أمطار قوية في عدد من مناطق المملكة
  • بعد أزمة التذاكر.. الجامعة لقات الحل للمشجعين المغاربة في قطر
  • التيكي داير الثمن وما كاينش.. الاحتكار يحرم مشجعين مغاربة من حضور مباريات “الأسود” في المونديال
عاجل
الإثنين 24 أكتوبر 2022 على الساعة 15:00

بنسعيد عن جدل “طوطو”: الوزارة منفتحة على الشباب… ويلا كانو يضربو في الوزير ونزيدو للقدام ماشي مشكل (فيديو)

بنسعيد عن جدل “طوطو”: الوزارة منفتحة على الشباب… ويلا كانو يضربو في الوزير ونزيدو للقدام ماشي مشكل (فيديو)

في رده على الانتقادات التي لاحقته إثر جدل تصريحات الرابور “إل غراندي طوطو”، أكد وزير الشباب والثقافة والتواصل، المهدي بنسعيد، أن الوزارة منفتحة على الشباب وجميع المواطنين”.

زلة لسان
وقال بنسعيد في تصريح استقاه موقع “كيفاش”، أمس الأحد (23 أكتوبر)، على هامش المباراة النهائية لدوري “الطريق إلى المونديال”، في إشارة إلى مغني الراب، “الشاب إلا ما دارش خطأ في 20 و23 عام إيمتا غادي يدير الخطأ… نقدرو نعتابروها زلة لسان أو خطأ من الفنان هذا أمر عادي جدا وهو اعتذر للمغاربة على الكلام اللي تقال”.

وعن الانتقادات التي رأى فيها البعض تحاملا على الوزير البامي، أوضح بنسعيد “إلا كانو يضربو في الوزير ونزيدو للقدام ماشي مشكل المهم أننا ما ننساوش الشباب لأنهم وليداتنا ووليدات عائلات ما خاصناش نساوهم أما الوزير راه غير دايز عندو 5 سنين أو 4 سنين راه غير دايز ماشي مشكل”.

رسالة وزارة الثقافة

وتابع المسؤول الحكومي، في السياق ذاته “الرسالة اللي بغينا نوجهوها هو أن وزارة الشباب والثقافة والتواصل، هنا باش تنفاتح على جميع الشباب… اليوم فقط كنعطيو فرص للشباب اللي كان منسي واللي ما كانش كيآمن بالمؤسسات كنعطيوه فرصة أنه يآمن بالمؤسسات”.

وشدد الوزير بنسعيدن على أن التلفظ بكلام غير لائق أمر غير مقبول، مبرزا: “أنا قلتها في البرلمان ونعاود نقولها قبل ما نكون وزير أو فاعل سياسي أنا أب وما يعجبنيش نسمع كلام غير لائق لأننا عندنا القيم ديالنا والحشمة أنك تكون مع وليداتك وعائلتك فبالطبع هاد الشي لا يجوز”.

وزاد وزير الثقافة، متسائلا: “لكن السؤال هو واش نسدو على الشباب ديالنا؟… هناك إشكالات حقيقية يعيشها الشباب في المدن والقرى اللي كتخليهوم بعض المرات أنهم يستعملو أسلوب غير لائق ولكن الدور ديالنا هو نفاتحو عليهم وبشوية بشوية نرافقوهم حتى يوصلو للنضج أنهم يعبرو بأسلوب محترم”.