• لدى أكثر من نصف المتعافين.. فيروس كورونا يسبب إرهاقا مستمرا!
  • الله يرد بيه.. تبون مريض بالمغرب!
  • جديد قضية “فقيه الزميج”.. عدد ضحاياه ارتفع إلى 12 طفلا من بينهم 8 فتيات و4 ذكور
  • منصف السلاوي: لقاح كورونا غيكون واجد قبل ما تسالي 2020… والمرحلة الثالثة ديال التجارب صعيبة
  • بعد انخفاض الإصابات في الجهة.. الدراسة الحضورية تعود إلى مدارس طنجة
عاجل
الثلاثاء 15 سبتمبر 2020 على الساعة 13:00

السخانة والرواح والصداع فالراس.. ياسين الصالحي يكشف قصته مع فيروس كورونا

السخانة والرواح والصداع فالراس.. ياسين الصالحي يكشف قصته مع فيروس كورونا

تحدث ياسين الصالحي، لاعب فريق رجاء بني ملال، ونجم فريق الرجاء البيضاوي سابقا، عن قصة إصابته بفيروس كورونا المستجد وعن تجربته والأعراض التي أصابته.
وأكد الصالحي، في اتصال هاتفي مع موقع “كيفاش، أنه عاش أياما من العزلة والألم، لأنه كان وحيدا في غرفته، قائلا “25 يوم وانت فبيت بوحدك ما ساهلاش”.
وقال الصالحي “ما كنتش عارف باللي فيا كورونا وملي درنا التحاليل خرجات لواحد الولد كيلعب معانا إيجابية وحنا كنا معاه مخالطين وحنا نعاودو التحاليل وقبل ما يخرجو النتائج بديت كنحس بالأعراض السخانة الرواح والصداع فالراس وكنحس براسي فاشل”.
وأضاف “جا عندي الطبيب قبل ما يقول ليا را فيك كورونا قلت ليه را حسيت بالأعراض صافي مشيت لصبيطار عطاني الدوا ودخلت لوطيل… دوزت 25 يوم فلوطيل ما ساهلاش باش تبقى فنفس البلاصة وأنت ما كتريني ما والو وكتشوف صحابك كيترينو وكيلعبو الكرة ولكن الحمد لله كلشي داز بيخير وعلى خير”.
وتابع “ملي ساليت الدوا ديالي الحمد لله ما بقيت حسيت بحتى أعراض وعاودت التحاليل 2 مرات والحمد لله طلعو سلبيين”.
وفي رسالة وجهها إلى المغاربة، قال الصالحي “ردو بالكم لراسكم را هاد الشي ما معاهش اللعب را حتى أنا كنت بحالي بحال الناس اللي كيقولو كورونا ما كايناش دابا بنادم واخا تقول ليه كاينة غيقول ليك لا ما كايناش ولكن حتى يجرب عاد غيعرفوها را بصح كاينة”.
وختم حديثه قائلا “دابا شحال من واحد كيقول ليا ياسين بيع الماتش را كورونا ما كايناش كنقول ليه حتى تجرب عاد غادي تعرف واش كاينة ولا ما كايناش”.