الصحافية شيماء العلام، الصحافية ومقدمة فقرة “نقرة ويب” في نشرة الظهيرة على قناة دوزيم، تخطبات، والخطوبة ديالها ما كانتش عادية. كيفاش؟
شيماء، التي كانت حديث الفايس بوك بعد ظهورها على بلاطو أخبار دوزيم قبل شهور، وبزاف شافو فيها وجه جميل كيشهّي فالأخبار، ارتبطت رسميا بالشاب مولاي المهدي. هذا الأخير فاجأها، بعد نهاية نشرة الظهيرة، اليوم الجمعة (16 مارس)، بالحضور إلى مقر القناة الثانية ليطلب يدها. السيد ما جاش بيدّيه خاويين، جا وجاب معاه الخاتم، وخطبها من سميرة سيطايل، مديرة الأخبار في القناة الثانية، بحضور زملائها وزميلاتها، وقدم ليها الخاتم، بحال داك الشي ديال الأفلام.
قاعة الاجتماعات في قسم أخبار القناة الثانية رجعات عامرة بالزغاريت و”صلاة وسلام على رسول الله”.
