فاش كتكون حدا محطة ولاد زيان فكازا كيبان ليك عدد كبير من الأفارقة، من دول إفريقيا جنوب الصحراء، عايشين تماك، محتلين تيران ديال الكرة ودايرين الفراش ديالهم حيت تماك فين كينعسو.
بعض الناس بداو كيتشكاو من التصرفات ديال شي وحدين، أولهم صحاب الطاكسيات اللي قالو بأن شي وحدين من الأفارقة كيتعداو عليهم.
سائق سيارة أجرة قال، في تصريح لـ”كيفاش تيفي”: “واحد السيد كان كيدوي فالتيلفون ديالو، وشي أفارقة صحابهم كيصور فيهم وبغا يتعداو عليه، ومول الطاكسي بغا يدافع عليه ويقول ليهم راه كان كيدوي غير مع العائلة ديالو، لكن بداو كيسبو فيه، قبل ما يبداو يشيرو عليه”.
وتابع بأن مثل هذه التصرفات تتكرر يوميا.