• من يوم إلى 8 أيام.. فترة عيش كورونا في جسم المتعافين
  • في زمن كورونا.. المغرب يحرز 3 ميداليات ذهبية في المعرض الدولي للاختراعات 
  • تسجيل 35 حالة جديدة.. حصيلة الإصابات بفيروس كورونا ترتفع إلى 437
  • فيديو “مريضة مستشفى سطات”.. وزارة الصحة ترد على رواية “الإهمال في غرف الحجر الصحي”
  • منظمة الصحة العالمية: النقص العالمي في معدات الوقاية يشكل تهديدا ملحا
عاجل
الأحد 23 فبراير 2020 على الساعة 09:00

واخا اعتزل.. بنعطية مكمل فالمشاريع الخيرية ديالو فالمغرب (صور وفيديو)

واخا اعتزل.. بنعطية مكمل فالمشاريع الخيرية ديالو فالمغرب (صور وفيديو)

المهدي بنعطية واخا اعتزل دوليا مازال المؤسسة ديالو “بنعطية فونداشيون” كدير الأعمال الخيرية ديالها فالمغرب، واللي كيستفدو منها طبقات فقيرة كتعيش فالقرى والبوادي.

واليوم السبت (22 فبراير)، هاد المؤسسة ديال بنعطية دارو شراكة مع جمعية فزناتة، ودارو قافلة طبية وعطاو لمجموعة ديال الوليدات والعيالات نظاظر طبية. 


هاد الشي اللي دارو واحد من أفضل اللاعبين فتاريخ المغرب، فرح دوك الناس بزاف، واللي شكرو بنعطية على الأعمال اللي كيدير. 


بنعطية عندو مسيرة احترافية كبيرة ومحترمة مع أندية عالمية بحال بايرن ميونيخ ويوفنتوس الإيطالي، ودابا كيلعب مع فريق الدحيل القطري وكان اعتزل دوليا، حيث بقى فيه الحال بسبب تعليقات ومقالات صحافية كانت كتهاجمو ديما، ومع ذلك المؤسسة الخيرية اللي كان داير هادي سنوات، بقات خدامة وبنعطية باقي كيدير الخير.