• “القمع” والاعتقالات/ التظاهرات/ سفر السيسي.. نايضة في مصر  (صور وفيديو)
  • بالصور من كازا.. قيادات في البيجيدي يشيعون جنازة والدة بسيمة الحقاوي
  • بالصور من الصويرة.. موسم هيلولة يجمع المئات من اليهود المغاربة
  • رهان عموتة/ التوقيت/ القنوات الناقلة.. المنتخب الوطني للمحليين يواجه نظيره الجزائري
  • الخميسات.. اختطاف واحتجاز واغتصاب طفلتين في منزل مهجور
عاجل
السبت 10 أغسطس 2019 على الساعة 23:59

الرقية الشرعية ديال الخرفان.. دعاء كيخلي الكبش يستسلم! 

الرقية الشرعية ديال الخرفان.. دعاء كيخلي الكبش يستسلم! 

عيد الأضحى ديال هاد العام، المكتب الوطني للسلامة الصحية التابع لوزارة الفلاحة والصيد البحري، بالمشاركة عدد من الجمعيات ديال الكزارة دارو دورات تكوينية وتحسيسية للمهنيين باش طريقة الذبح تكون مزيانة وصحيحة، وهاد الشي استفدو منو ألاف المهنيين فالمغرب، ولكن هاد الشي كامل عند واحد السيد كيسمي راسو الدكتور محمد ما ساوي والو، حيث هو لقى طريقة جديدة ديال الذبح، وداكشي شرعي ومغلف بالدين. كيفاش؟

هاد السيد الدكتور محمد أوحسين كيف كيسمي راسو على اليوتيوب، دار فيديو، نهار 2 غشت الجاري، بعنوان “الدعاء المعجزة الذي يجعل الأضحية تستسلم ولا تبدي أية مقاومة أثناء الذبح”، وفهاد الفيديو اللي فيه 6 الدقايق، هاد اليوتوبر كيقول باللي كيقرا على الكبش واحد الدعاء والكبش كيستسلم ليه، وكيخليه يذبحو.
هاد الكلام بعيد كل البعد على المنطق والعلم، والدين ما فيهش شي دعاء سميتو دعاء “تثبيث الأضحية” ولا دعاء “استسلام الخروف”، ولكن هاد السيد بزاف ديال الناس ثيقوه، ووصل لعدد كبير ديال المشاهدات، فات مليون مشاهدة، وعدد اللايكات فات 26 ألف، وحتى عدد كبير ديال التعاليق الإيجابية والمصدقة.

موقع “كيفاش” اتصل بتقني مختص في تربية الحيوانات، ورسل ليه الفيديو باش يعرف شنو كيقولو المختصين فهاد الحالة، وقال تقني فالتعليق ديالو: “هذا ما جاب حتى جديد، أصلا هاد التقنية باش كنشدو حنا الكبش، فاش كنشدوه من عنقو بديك الطريقة، الكبش كيستسلم، وكيخليك ذبحو”، وزاد وضح وقال: “الحيوانات بصفة عامة عندها نقاط ضعف وأماكن فالجسد اللي شديتيها منها ووضعيات إلى تحطو فيها كيستسلمو، فهاد الفيديو الكبش دور ليه العنق ديالو، فهنا الكبش كيحس باللي راه فخطر، ولا قاوم يقدر يتقطع ليه العنق، فداك الشي علاش كيستسلم، وكيتسنى السيد اللي شادو، يدير شي خطأ باش يهرب”.
وكمل التقني اللي عندو 24 سنة خبرة فالمجال، وقال: “لو كان بصاح الدعاء هو السبب، كون فاش قرا عليه الدعاء الكبش غادي يطيح للأرض ويخليه يذبحو، ماشي حتى عاونوه جوج ديال الناس باش يطيحو، ومع ذلك قاومهم فاش كانو رجليه كيقيسو الأرض، الكبش راه حيوان، وما عندوش تقنيات كثيرة باش يقاوم، فاش رجليه ما كيبقاوش فالأرض، كيتخلع بزاف وكيستسلم، وكيبقى يتسنى اللي شادو يدير شي خطأ ولا يطلقو”.