• شاحنة “أجي تفرج”.. “الحيط” مشروع مسرحي حول زواج القاصرات يعرض في 50 منطقة قروية
  • الورقة الأخيرة.. قرار الاعتزال آخر حلقة في مسلسل “حميدو مشاكل”
  • بالصور من إقليم أسا الزاك.. ربط جماعة المحبس بالشبكة الوطنية للكهرباء 
  • بعد تحذيرات من استهلاك المياه المعبأة من طرفها.. شركة “سيدي حرازم” تعترف بثلوت مياهها وتتأسف
  • نصف ماراثون ليفورنو الإيطالية يتحدث بالمغربية.. مهاجر مغربي يفور بالرتبة الأولى 
عاجل
الأحد 16 يونيو 2019 على الساعة 16:00

غش في الباك وجنس في الأنترنيت.. البيجيدي وطاقية الإخفاء!

غش في الباك وجنس في الأنترنيت.. البيجيدي وطاقية الإخفاء!

يلا كانت “طاقية الإخفاء” مجرد فيلم كوميدي ديال الممثل المصري عبد المنعم إبراهيم، وظف فيه مولاه بزاف ديال الخيال، فحزب العدالة والتنمية رجعها حقيقة. كيفاش؟

القضية ديال “البرلماني الغشاش” نور الدين قشيبل، اللي حصل هاز معاه ثلاثة ديال البورطابلات فالقاعة ديال امتحانات الجهوي (باك حر)، تطوات بواحد طريقة عجيبة، بحال يلا ما عمرها ما كانت.

السيد برلماني ورئيس مجموعة جماعات إقليم تاونات ومع ذلك ما عارفش القانون أو سها عليه كيف كيقول، وواخا اللجنة ديال وزارة التربية والتعليم العالي أكدت أنه مذنب، لجنة الأخلاقيات ديال البيجيدي سكتات، من بعد ما كانت دارت بلاغ كتقول فيه أنها غادي تدير تحقيق.

في انتظاره عقوبة تأديبية أو حبسية.. آخر المستجدات في قضية “البرلماني الغشاش”

 

دابا هاد التحقيق واش حزب اللامبة دارو غير باش يسكت الأصوات اللي كتنادي بمحاسبة البرلماني ولا شنو؟ راه المسألة واضحة، لجنة الأخلاقيات قالت غادي تدير تحقيق، راه اللجنة التابعة للوزارة المعنية أكثر رسمية، إلا في حالة كان الحزب كيشكك فالمصداقية ديال الوزارة، وهنا غادي يرجع نقاش آخر وبلا ما ندخلو في الحيثيات ديالو.

بعد ضبط “البرلماني الغشاش”.. لجنة النزاهة والشفافية في البيجيدي تحقق في الواقعة

قشيبل حصل.. تفاصيل العقوبة في حق “البرلماني الغشاش”

 

القضية غريبة بزاف، من بعد قضية البرلماني “الغشاش” مباشرة، نائب عمدة مدينة سلا واللي حتى هو من نفس الحزب دار شكاية ضد شي وحدين كييتزوه بشي فضيحة جنسية، ومن بعد أيام جوج من أكثر نساء حزب اللامبة شهرة وظهورا على الساحة، واللي هما الوزيرة بسيمة الحقاوي والنائبة البرلمانية آمنة ماء العينين، صدقو مضاربات بياناتهم وقلبوها كلاشات بحال ديزي دروس والبيغ.

نزوة وابتزاز.. مسؤول جهوي في البيجيدي يلجأ إلى البوليس بسبب فيديو جنسي

ما خلات فيها غير اللي نسات.. ماء العينين ترد على هجوم الحقاوي عليها بسبب الحجاب (فيديو)

واش زعما هاد الحزب ضرباتو شي عين، ولا هاد الشي مخطط باش الناس تنسى شنو وقع مع البرلماني الغشاش؟!

حسب مصادر موقع “كيفاش”، البرلماني “الغشاش” مباشرة من بعد المشكل ديالو، مشا للقرية فين ساكن، باش يرتاح مع راسو، وحتى التحقيق ما حضرش ليه، حضر ليه النائب القانوني ديالو، واللجنة ديال الوزارة حكمات عليه بعامين ما يدوزش باك حر، واللي هو فالأصل ما محتاجش ليه، حيت كيف أكد نفس المصدر السيد عندو أربعة شركات كدير رقم معاملات بملايين الدراهم، والباك حر كان باغيه باش يدخل للجامعة يقرا القانون، ولأسباب غير واضحة.

 

 

دابا المشكل عند البيجيدي هو بشوية بشوية كيتخلا على كاع ديك الهضرة اللي كان كيقول، حيت من بعد ما كان كيهضر على التماسيح والعفاريت والمؤامرات صدق هو محترف بزاف، ومختص في إخفاء أي شخص من عندو، دار شي زبلة ولا مشكل.

وبلا ما نتسناو حزب اللامبة يدير شي حاجة مع نور الدين قشيبل، حيت واضح الأمر، صعيب الحزب يتخلى على واحد من أغنى الأعضاء ديالو واللي كيتهلى فالفقهاء ديال تاونات بالأمسيات القرآنية وكيعيطهم 100 درهم للواحد.

كهربائي ورجل أعمال.. معلومات مثيرة عن البرلماني “الغشاش” صاحب البورطابلات الثلاث!

دابا السؤال المهم واش حزب العدالة والتنمية قلبها من الخطاب الديني للخطاب المادي، ومن بعد ما كان كيجيب صحاب اللحايا المختصين في الأحاديث والقرآن دابا غادي يجيب اللي كيتهلاو فالناس اللي حافظين القرآن والأحاديث؟!

 

العثماني: ما كرهناش رجال الأعمال يكثرو فالبيجيدي… وما غنسمحوش في حقنا!