• اسطنبول التركية.. وفاة شخص وضياع بضائع بسبب الأمطار الغزيرة والسيول
  • خاص اللي يوقّفهم قبل ما يوقع الفايس فالراس.. تفاصيل الخطة الخبيثة ديال “إم بي سي” باش تحاول تشتت المغرب!
  • بعد تعرضه إلى الإصابة.. سواريز يحل بمدينة طنجة (فيديو)
  • صحاب التجنيد الإجباري.. عملية إنتقاء وإدماج المجندين ستنطلق يوم الاثنين!
  • مرتضى منصور طالقها تسرح: بوطيب أفضل من أزارو ب10 آلاف مرة.. وأزارو كيخدّم معاه الجن!
عاجل
الإثنين 01 أبريل 2019 على الساعة 10:00

ابن كيران: أقسم بالله كون كنت رئيس حكومة ما يدوز قانون التعليم… والعثماني يلا خرجتي دابا أتخرج وراسك مرفوع (فيديو)

ابن كيران: أقسم بالله كون كنت رئيس حكومة ما يدوز قانون التعليم… والعثماني يلا خرجتي دابا أتخرج وراسك مرفوع (فيديو)

دعا عبد الإله ابن كيران، رئيس الحكومة السابق، والأمين العام السابق لحزب العدالة والتنمية، نواب ووزراء حزبه إلى عدم التصويت على القانون الإطار 51.17 المتعلق بإصلاح منظومة التربية والتكوين والبحث العلمي، مطالبا رئيس الحكومة بعدم القبول بالقانون وإن كلف ذلك سقوط الحكومة.
وقال ابن كيران: “أنا في حالة من القلق لأننا على ما يبدو بصدد المراحل الأخيرة لما سمي بالقانون الإطار 51.17 المتعلق بإصلاح منظومة التربية والتكوين والبحث العلمي.. اليوم ما شي ديال الشرح والتوضيح لأن هاد الشي درتو فمداخلات سابقة”.
وأضاف ابن كيران، في فيديو بته ليلة أمس الأحد (31 مارس)، على حسابه على الفايس بوك، “أقسم بالله العلي العظيم كون كنت رئيس حكومة هادا القانون ما يمكن يدوز، لأنه ما شي معقول واحد الأمة كتقري المواد كلها بالعربية اللي هي لغتها الوطنية والرسمية دون أي تنكر للغة الأمازيغية، ماشي معقول بين ليلة وضحاها نبدلو هاد الشي ونرجعو للغة المستعمر، إلا أن يكون وراء هذه الأشياء لوبي استعماري، وأنا هاد الشي اللي كنشك فيه”.
وتابع المتحدث مخاطبا النواب البرلمانيين: “أنا اليوم كنخاطب النواب البرلمانيين بصفة عامة، وخصوصا ديال للحزب ديالي، أن هاد القضية هادي التي رأينا أن البرلمان قاوم فيها والفريق الاستقلالي قاوم فيها، ووقع توافق على صيغة اللي غيكون فيها تدريس جميع المواد العلمية بالفرنسية وهادا إهداء للتعليم ديالنا للغة المستعمر”.
وزاد ابن كيران: “ماشي من حقكم تصوتوا على هاد القانون نهائيا، وكنعتبر هادي خيانة للمبادئ اللي تافقنا عليها فالأول، وغادي يكون ضربة قاتلة إن لم نقل قاضية لحزب العدالة والتنمية وغيتنكرو ليكم المواطنين… خليهم كاع تبان أغلبية جديدة يلا كان من الضروري هاد الحكومة تطيح وتدار حكومة أخرى ما تكونش نتوما شهود زور”.
وقال رئيس الحكومة السابق: “حنا ما نساهموش فهاد الشي ويلا كان السي سعد كيسمع مني بغيت نقوليه السي سعد ما يكونوش الاستقلاليين داو شرف التعريب ديال المواد العلمية قبل 30 سنة، وأنت تدي العار ديال إعادة الفرنسة ديالها، الله يهنيها هاد رئاسة الحكومة واش أنت أول رئيس حكومة اللي طاح، داك الشي اللي بسببو رفضت دخول الأحزاب الأربعة ووقع بسببو البلوكاج أهون من هاد الشي اللي كيوقع اليوم”.
وأضاف موجها كلامه إلى العثماني: “أنا فرأي يلا خرجتي دابا أتخرج راسك مرفوع ويلا بقيتي ما غتقدرش تهز راسك قدام المغاربة، لأن هاد الشي اللي كيدار اليوم لا مشا حتى داز هاد الشي غيفشل وكون كان ايعطي شي نتيجية كون ما بدلناهش هادي 30 عام”.
وعاد ابن كيران لمخاطبة برلماني حزبه بالقول: “تنقول للإخوان ما تقبلوش هاد القانون وكنقول لإخوة البرلمانيين وأنا هاد الموضوع لا أقبل فيه الحياد يجب أن تصوتوا ضده، وخلي البام يصوت مع أخنوش هادو شريحة من تجار السياسة”.

كلمة حول القانون الإطار 51.17 المتعلق بإصلاح منظومة التربية والتكوين والبحث العلمي..

Publiée par ‎عبد الإله ابن كيران – Abdelilah Benkiran‎ sur Dimanche 31 mars 2019