• نزار بركة: النموذج التنموي الجديد لا يمكنه أن ينجح إلا إذا كان مغربيا-مغربيا لضمان انخراط الجميع
  • بعد الحملة الرخيصة.. الأحداث المغربية تقرر اللجوء إلى القضاء
  • الصحافية سكينة بنزين: هذه حقيقة الهجومات التي أتعرض لها  
  • البسالة فين وصلات.. جواد الحامدي يقود حملة تشهير خسيسة ضد موقع أحداث أنفو وجريدة الأحداث المغربية
  • قالتها الصورة.. رونار خدا معاه مدرب الحراس للسعودية
عاجل
السبت 02 مارس 2019 على الساعة 14:00

بالفيديو.. قصة المهندس الشاب علاء اللي خلّى فرنسا ورجع سكن فالجبل!

بالفيديو.. قصة المهندس الشاب علاء اللي خلّى فرنسا ورجع سكن فالجبل!

في الوقت الذي اختار بعض الشباب الهجرة غير الشرعية إلى أوروبا، اختار الشاب علاء العودة إلى المغرب والاستثمار والسكن في منطقة جبلية، وبرأس مال قيمته صفر درهم.
علاء حميوي شاب مغربي يبلغ من العمر 36 سنة، حاصل على ديبلوم في هندسة المعلوميات هاجر إلى فرنسا واشتغل في العاصمة باريس لمدة ثلاث سنوات قبل أن يقرر العودة إلى بلده والاستثمار في منطقة مقريصات نواحي وزان، لأنه، حسب قوله، لم يحقق حلمه في بلاد الغربة.
وقال علاء، في تصريح لموقع “كيفاش”: “كنت فالمغرب وخدمت فبزاف دالحوايج اللي لا علاقة ليهم بداك الشي اللي قريت، وقررت نخوي المغرب ونمشي لفرنسا لأسباب شخصية وخدمت في باريس 3 سنين، ولكن المنطقة اللي خدمت فيها ما عجباتنيش وما رتاحيتش، نفس النهار كيبقى يتعاود وحتى حاجة ما كتغير”.
وأضاف: “بديت كنسول راسي شنو كندير هنا، صافي قررت أني نحبس الخدمة وجمعت حوايجي ورجعت للمغرب، وأول حاجة درت ملي رجعت هي بديت كندير المسرح أنا وصحابي، ولكن بان ليا أن الناس ما كيهمهمش المسرح قلت أنا كنبذل المجهود نبذلو مع ناس اللي محتاجين الفرصة”.
وتابع علاء حديثه قائلا: “فكرت أني نجي لمقريصات واختاريت هاد المنطقة حيث هي الأصل ديال الوالد والأهم أن الأرض اللي غادي نستثمر فيها فابور”، مردفا: “دوزت شهر وأنا كنجمع في التراب أنا وثلاثة ديال صحابي جاو معايا حيث ما كانش عندنا الفلوس وكان خاصنا نديرو شي حاجة، حاولنا نستغلوا داك الشي اللي عندنا فالأرض والمهم درنا مشروع سميناه “جبلي كلوب” ودابا را غادي وكيكبر”.
وعن هدفه يقول علاء: “بغيت نشوف منطقة مقريصات كيتضرب بها المثل ماشي غير فالمغرب ولكن فالعالم كامل”، مضيفا: “لحدود اللحظة زارونا ناس من 22 دولة”.
ومن جهة أخرى، نوه معلقون بتجربة علاء، حيث جاء في تعليق على فيديو نشر على قناة موقع “كيفاش”على يوتيوب، “كنحييك على هذا المشروع الرائع… وكنتمنى نتوفق باش نرجع للمغرب وندير حتى أنا مشروع ديالي… الشباب اللي كيتوهم أن أوروبا أحسن من المغرب راه شايفها غير من منظور ضيق، غيجي واحد الوقت غتمل وتكره وتمنى ترجع غير لشي عروبية فالمغرب وأنت هاني أو تعيش قريب من البحر تأكل غير السردين… شناهي أوروبا؟ غير الجري وتمارة أما العلاقات الاجتماعية شبه منعدمة”.
وكتب آخر: “برافو عليك كون غير الشباب يستغلو الطبيعة والمناخ اللي عندنا ويخدمو بلادهم وهوما كلشي باغي يحرك باغيين يخسروا الملايين على أوروبا باش يخدم روبو مبرمج”.
ووجه آخر تحية إلى الشاب علاء، قائلا: “تحية إلى هذا الشاب الطموح ولكل الشباب الذين يفكرون مثله ويعتمدون على أنفسهم… نصيحة لك أخي العزيز أن تتعامل مع وكالة السفر السياحية حتى يتعرف عليك السياح الأجانب لأن المنطقة جميلة جدا وتستحق الزيارة”.