• حكيمي مع خطيبتو فنيويورك وحاريث فألمانيا كيتريني ومنديل كيقلب على فرقة.. الأسود شي مصيف وشي خدام (صور)
  • لجنة مراقبة المالية العمومية.. إشادة بعمل القرض الفلاحي في مصاحبة تمويل مخطط المغرب الأخضر
  • التصويت على القانون الإطار للتعليم.. البيجيدي كياكل مع الذيب ويبكي مع السارح
  • ربح 23 ماتش وخسر 11.. حصيلة رونار مع الأسود
  • جريدة “الأحداث المغربية”: بوعشرين يلتمس العفو الملكي دون طلب الصفح من الضحايا
عاجل
الخميس 03 يناير 2019 على الساعة 18:20

ما كاينش غير الخايب.. رئيس جماعة خلّى الكاط كاط وشرا تريبورتور! (صور)

ما كاينش غير الخايب.. رئيس جماعة خلّى الكاط كاط وشرا تريبورتور! (صور)

في خطوة غير مسبوقة، حظيت بإعجاب الكثير من رواد مواقع التواصل الاجتماعي، أقدم العربي شريعي، رئيس جماعة أولاد فارس الحلة في دائرة البروج، نواحي سطات، على الاستغناء عن سيارة الجماعة واستبدالها بدارجة ثلاثية العجلات من أجل التنقل داخل التراب الجماعي.
وقال العربي، في اتصال هاتفي مع موقع “كيفاش”، “حنا الجماعة الوحيد في إقليم سطات اللي ما عندهاش سيارة خاصة للرئيس، حنا خدينا تربورتور نظرا للاستعمال ديالو المهم داخل الجماعة”.
وتابع المتحدث، مفسرا سبب إقدامه على هذه الخطوة: “الميزانية ما كتسمحش ناخدو شي سيارة فخمة، والأهم هو أن السيارات اللي كيستعملوها رؤساء الجماعات، وهادي هي الرسالة اللي بغيت نوجه، كيتستعملو خارج إطار العمل وكيستهلكو كمية كبيرة من الوقود اللي يمكن نوظفوه فحوايج أخرى”.
واسترسل: “بحال حنا مثلا هاد الميزانية اللي كترصد لتنقلات الرئيس واللي هي عبارة عن وقود، حولناها لجمعية النقل المدرسي، الشي اللي خلّى التلاميذ يمشيو فابور للمدارس، وهذا في إطار ترشيد النفقات، ودرنا الإسعاف مجانا للمواطنين، والتربورتور راه 5000 درهم ديال الوقود كافيه فالعام”.
وردا على من اعتبروا هذه الخطوة “مجرد شعبوية وحملة انتخابية سابقة لأوانها”، قال رئيس جماعة أولاد فارس، المنتمي إلى حزب العدالة والتنمية، “حنا التربورتور راه شريناه هادي تقريبا عام ماشي اليوم، أنا فاللحظة اللي كان الناس كياخذو الكاط كاط حنا كنا شادين السربيس على التربورتور نديرو ليه الوريقات، وحتى الموظف اللي مشا للرباط باش يدير ليه الترقيم ديالو تفاجأ بأنه بوحدو اللي جايب التربورتور”.
وتابع المتحدث: “أنا بالنسبة ليا عندي طوموبيليتي الخاصة ولكن ما نستعملش ديال الإدارة خارج أوقات العمل، وأنا هاد الشي اللي بغيت نوصل علاش رؤساء الجماعات عندهم ordre de mission 24 ساعة على 24 و7 أيام على 7 أيام مالهم فين كيمشيو كاع؟ أش غيديرو لهاد الجماعة اللي كياخدو السيارة ديالها؟”.