• من قلب أرض الفراعنة.. الجزائر تتوج بكأس الأمم الإفريقية للمرة الثانية في تاريخها
  • لتمويل مشاريع الماء الشروب في الناظور والدريوش والحسيمة.. المغرب يقترض أزيد من 115 مليون يورو
  • مدرب أياكس: لم نتوصل بأي عرض رسمي بخصوص زياش
  • بعد استقالة نائبه.. رئيس الباطرونا يبرر ويتوقع حصول استقالات أخرى
  • الشراب والسهر والمضاربة والبنات.. الفتاة التي ظهرت مع بونو توضح ما حدث في سهرة “النيل بلو” في مصر (صور) 
عاجل
السبت 10 نوفمبر 2018 على الساعة 09:40

شكون هو وعلاش كيفضح المشاهير وشنو كيربح.. “حمزة مون بيبي” في حوار حصري مع “كيفاش”

شكون هو وعلاش كيفضح المشاهير وشنو كيربح.. “حمزة مون بيبي” في حوار حصري مع “كيفاش”

فضح المشاهير، ظاهرة جديدة على مواقع التواصل الاجتماعي، كيحاولوا بها بعض المؤثرين والنشطاء يبينوا وجه آخر ديال بعض الشخصيات المعروفة، أو كيحاولوا يطيحوا ليهم السمعة.

قبل 11 شهر تقريبا، “حمزة مون بيبي”، حساب على تطبيق “سناب شات”، خذا هادشي كمهمة ونشاط يومي، لدرجة أن عدد كبير من الناس تابعوه قضائيا.

فهاد الحوار الخاص مع “حمزة مون بيبي”، كيشرح الأهداف ديالو من هاد الشي، وعلاش كيختار بعض الأسماء بالضبط، وشنو الربح عندو من هاد الشي.

شكون هو “حمزة مون بيبي”؟

“حمزة مون بيبي” شخصية كتمثل منخرطين فتطبيقات سناب شات وإنستغرام وغيرهم. كنتلقى الأسئلة أو الشكاوي من ظاهرة ما وكندوي عليها.

أنا مهندس معلوميات، عندي 32 سنة، من مواليد مدينة الرباط، والأصل من بجعد، والآن عايش بين مراكش ولندن، وكنسافر بينهم بزاف، وخلافا على الناس اللي كتقول حنا مجموعة، أنا الوحيد اللي شاد الحسابات كلهم، والباقي غير إشاعات طلعوهم للتشويش على مصداقيتي.

واش عندك استفادة مادية من هاد الشي اللي كدير؟

استفادة مادية ما كايناش، مدخول الإشهار كنعطيه لمتابعاتي اللي محتاجينو فشي عملية أو شي حاجة، كنقترح على اللي بغا يدير الإشهار يصيفط لسيدة مباشرة، وبالخصوص أصحاب المطاعم، وهاد الشي بعض الأحيان كندير المبلغ للربح على إنستغرام.

يلا ما كانش ربح مادي، شنو كتستفد؟

الربح هو نبدل مفهوم السوشيال ميديا، ونشرح للشباب المغاربة أن المظاهر والثراء الفاحش اللي كيشوفوه عند الإنستغراميات وغيرهم كلشي كذوب وكلشي جاي من موارد أخرى مع الأدلة القاطعة، وأن حياتهم وهمية وكلها كذوب، كل الشابات بغاو يقلدوهم وما بقاوش مقتنعين بالتحصيل العلمي والثقافي ويديرو مجهود فدراساتهم، بغاو يقلدو دوك فئة “العاهرات” باش يوصلو دغيا. أنا غير كنحاول نحارب هاد الظاهرة بمساعدة المتابعين، بزاف كانوا غالطين قبل مجيئي وفضح المستور.

شنو المشكل عندك أنت فهاد الشي كلو؟

لو بقينا غاديين بهاد الظاهرة كون أكيد بعد عشر سنين غادي نلقاو نقص كبير فالأطر والمهنيين وغيرهم، الأغلبية غادي يكون ختار الطريق السهل، أي طريق الحرام، واللي كتبهرهم فالصور اللي كلها فوطوشوب وكذوب.

دابا نهضرو على الناس اللي هاجمتي، مالك مع الإعلامية مريم سعيد؟

كل المغربيات فصفها وكيدافعو عليها بعدما تخلى عليها خطيبها فقضية أخلاقية وكيسبو الخطيب فحال يلا هي مريم العذراء، مع العلم هو المضرور الكبير، وحتى حد ما قال كلمة الحق، كلشي فصفها، حسّيتو مظلوم بزاف من التعليقات ديال نكافاتها، لهذا خرجت كندوي، وكندوي على الحق حيث حتى هي شوهاتو فالوسط ديالو وكل الخليجيين فدبي عارفين هاد الحقيقة اللي كندوي عليها غير أنا يالاه وصلتها للمغرب.

وشنو المشكل مع سلمى رشيد؟

كتقول للبنات زوجها ميسور وهداها ميكروفون مرصع بالألماس، وحطيت فقط الحقيقة باللي السيد راه بسيط ومن عائلة متوسطة. علاش كل الفنانات كيكدبو و يقولو رجالنا أثرياء ورجال أعمال! نشر هاد الأفكار من مؤثرين فالسوشيال ميديا كيأثر سلبا على مجتمعنا.

هاد الناس اللي كتهاجم، واش ماشي شي واحد مصيفطك كتصفية حسابات؟

لا أبدا. هادي هضرت فانزات أي واحد كندوي عليه، هوما اللي كيخرجو هاد الهضرة حيث كتصدمهم الحقيقة وكيبغيو يبردو سوق.

والإعلامي رضوان الرمضاني هاجمتيه من قبل، علاش بالضبط؟

حيت جاب يوسف الزروالي أكبر نصاب فالمغرب حاليا اللي عليه شكايات عدة وكيدير المستحيل باش يبان ويتشهر وغضبت غضب كبير منين جابو إعلامي فحال الرمضاني. المهم أول مرة كنتسرع حيث فالحلقة ديالو بهدل النصاب، ومن بعد الحلقة اعتذرت للرمضاني عبر رسالة نصية وكنظن تقبل اعتذاري.

ما كتفكرش تبان وانت قربتي توصل لمليون متابع؟

ضروري واحد نهار غادي نبان، طال الزمان ولا قصار، ما قاتل حد، وكاع صحابي المراكشيين عارفيني، ولكن حاليا كنفضل هاكا ما عنديش مع الشهرة وداك الشي.