• وصفت ما راج ب”المعطيات المغلوطة”.. الداخلية تنفي مجددا اتخاد عقوبات تأديبية في حق رجال سلطة
  • بالصور من مركز الكركارات.. إجهاض عملية تهريب حوالي 6 أطنان من الشيرا
  • الملك للرئيس التونسي الجديد: سنعمل سويا لتعزيز علاقات التعاون بين البلدين
  • صداقة وأخوة.. قميص موقع ورسالة شكر بين محرز وابن الدولي السابق وادو
  • ما عطلوهش.. الأمن يوقف مرتكب “حادثة السناكات” في مراكش 
عاجل
الجمعة 26 أكتوبر 2018 على الساعة 15:00

نساتو الساحة الفنية.. “راك غادي فخسران آ حمادي” تعيد نور الدين بكر (صور وفيديو)

نساتو الساحة الفنية.. “راك غادي فخسران آ حمادي” تعيد نور الدين بكر (صور وفيديو)

من نهار الثلاثاء اللي داز (24 أكتوبر)، وعبارة “راك غادي فالخسران آ حمادي” اللي تشهر بها الفنان الكوميدي نور الدين بكر، كيضحكو بيها أغلب رواد مواقع التواصل الاجتماعي في أي قضية متعلقة بالفشل.
هاد العبارة جات من مسلسل “سرب الحمام”، فاش كان الممثل نور الدين بكر كينصح بطل المسلسل الفنان رشيد الوالي، واللي لعب الدور ديال شخصية “حمادي”، وكيقوليه “راك غادي فالخسران آ حمادي” باللكنة الأمازيغية اللي اشتهر بيها نور الدين بكر على مدى سنوات في التلفزة المغربية.

واللي خلى رواد مواقع التواصل الاجتماعي يتفكروا هاد العبارة هو لقاء صلح الفنانة فاطمة الزهراء المعروفة ب”الشيخة تراكس” مع مؤسس مجموعة بروكلين وفاش نصحاتو وقالت ليه: “الله يهديك بعد من هاد الشي راه ما يصلاح ليك لحتى شي حاجة”، الشي اللي خلى المتابعين يتفكرو الحوار اللي دار بين الممثلين في سلسلة “سرب الحمام”.

ومن بعد، مجموعة من الناشطين حطو صورة الفنان المغربي مع هاد العبارة وبداو كيعلقوا بها على العديد من المواضيع، كان أولها قضية مؤسس مجموعة بروكلين والشيخة التراكس، ومن بعد المدرب ديال ريال مدريد واللي الأغلبية كتقول أن المباراة الجاية ضد برشلونة هي الأخيرة ليه، ودابا رئيس الحكومة سعد الدين العثماني، من بعد قرار الحكومة بتطبيق الساعة الإضافية بصفة دائمة.

ومن جهة أخرى، بعض رواد مواقع التواصل الاجتماعي دارو صفحات ومجموعات (كروب)، وشي وحدين آخرين دارو قمصان بهاد الاسم.
وللإشارة فإن نور الدين بكر من مواليد الدار البيضاء فدرب السلطان سنة 1952، ودوز حقبة رائعة في الكوميديا وبالتحديد فالتسعينات وبداية القرن الواحد والعشرين، ولكن حاليا غائب عن الساحة الفنية وكيعاني مرض خلاه طريح الفراش.