• بسبب إلغاء زيارة المقرر الأممي الخاص باستقلال القضاة والمحامين.. مواجهة بين وهبي والرميد في البرلمان
  • بيعت 150 تذكرة فقط.. جزائريون يقاطعون مباراة منتخبهم أمام المنتخب الغامبي
  • حافلة المنتخب.. آرا الباب آ “فيصل”
  • شكر الملك على الترحيب والدعم.. الرئيس علي بونغو يعود إلى بلاده
  • قبل مواجهة مالاوي.. الأمطار تعرقل المنتخب الوطني في بينغو
عاجل
الجمعة 26 أكتوبر 2018 على الساعة 11:40

دير غير النية.. دار عيد ميلاد وصحابو خواو بيه فصار حديث الساعة! (صور)

دير غير النية.. دار عيد ميلاد وصحابو خواو بيه فصار حديث الساعة! (صور)

“رب ضارة نافعة”… هاد المثل كنسمعوه ولكن قليل فاش كنشوفوه كيوقع. الطفل الأمريكي تيدي هو المثال الحي لهاد العبارة، من بعد ما صحابوا خواو بيه. كيفاش؟

ليلة عيد ميلاد وغدر الأصدقاء

ليلة الأحد الماضي (21 أكتوبر)، كان عيد ميلاد السادس ديال الطفل الأمريكي تيدي، واللي عرض فيه على 32 طفل من اللي كيقراو معاه، باش يدوزوا معاه الحفل فواحد البلاصة ديال الألعاب، ومن بعد ما الأم ديالو شدات طابلات وخلصات كلشي كتفاجأ أن الضيوف ما جاوش، وأن واحد من الآباء اتصل بيها وقاليها صافي غير لغي الحفل.

 

محاولة الوالدين مواساة الطفل

السيدة ليز، أم الطفل، فاش شافت ولدها تقلق داتو للألعاب وبقات كتحاول تنسيه وتعيش معاه لحظات الحفل باش ما يتأثرش، وبقات هي والأب ديالو كيحاولوا ما أمكن باش يفرحوا ولدهم في ليلة ديال عيد ميلاد ديالو.

 

نشر الصورة على تويتر

فاش رجعات للدار عاودات هاد الشي لأحد معارفها من الصحافيين المحليين، وقالت ليه باللي بقى فيها ولدها والمجهود اللي دارو فاش خسروا داك الشي كامل، وقال ليها عطيني الصورة ديالو نلوحها فمواقع التواصل الاجتماعي باش الناس تبارك ليه العيد وتخفف عليه شوية، ووافقت ولاحو الصورة على موقع تويتر.

تهنئة ودعوة من فريق “فينيكس”

من بعد ساعات قليلة، الصورة اللي فيها توضيح أن طفل خواو بيه صحابو، والوجه ديالو كيبان فيه الحزن، لقات تفاعل كبير بزاف من قبل الناس، لدرجة كاينين اللي طلبوا صندوق بريد العائلة باش يصيفطوا ليه كادويات وكاين اللي طالب بإعادة الحفل باش يحضروا، وكذلك مغني مشهور عرض عليه وواعدوا يرسل ليه هدية، ولكن أكثر حاجة كانت زوينة أن فريق كرة السلة “فينيكس”، والمشهور في أمريكا، وصلاتهم الصورة وقالوا ليه غادي نديرو ليك الحفلة وسط ماتش وسط الآلاف الناس وفي مباراة القمة ضد فريق “لايكرز”.