• كأس السوبر بين الرجاء والترجي.. إقبال كبير على اقتناء التذاكر!
  • بالصور من مراكش.. ابن كيران كيدور فجامع الفنا بالجلابة والكارضكورات!
  • بالفيديو من كازا.. النيران تلتهم سوق “ولد مينة”!
  • لن يلتحقوا بالأقسام غدا الاثنين.. الأساتذة المتعاقدون يضربون ليوم آخر!
  • بالفيديو.. مغنية راب فرنسية تتهم منال وطوطو بسرقة كلمات أغنيتها
عاجل
الأربعاء 24 أكتوبر 2018 على الساعة 19:20

رجع طالب السلة بلا عنب.. عجلات “التراكس” تدك ما تبقى من عظام مؤسس مجموعة “بروكلين”! (فيديوهات)

رجع طالب السلة بلا عنب.. عجلات “التراكس” تدك ما تبقى من عظام مؤسس مجموعة “بروكلين”! (فيديوهات)

خلاف بين زوج ديال الناس، فنانة ومؤسس مجموعة فايسبوكية، خذا أكبر من الحجم ديالو، لدرجة رجعوا المتابعين المغاربة حاضيين كل صغيرة وكبيرة، وتابعوه من بداية الخلاف إلى الصلح، ونساو بيه جميع القضايا الوطنية اللي هي أكثر أهمية. كيفاش؟
القصة ديال الشيخة “التراكس” ومجموعة “بروكلين” سالات، البارح الثلاثاء (23 أكتوبر)، من بعد ما تدخلوا عدة أطراف باش الفنانة تتنازل على الشكاية، وبالأخص ملي تتدخلات الأم ديال مؤسس المجموعة اللي طلبات الشيخة “التراكس”، والأخيرة ما قداراش ترفض الطلب ديالها بحكم المرض ديالها.
وحسب اللقاء بين الطرف واللي تصور لبارح على موقع “مراكش الآن”، الشيخة “التراكس” استغلت الفرصة وخذات اعترافات من عند يوسف، مؤسس مجموعة “بروكلين”، اللي قال باللي كاع الهضرة اللي كان قال فالأول غير كذوب، وطلب منها السماحة شحال من مرة.

وفي اللقاء نفسه، الشيخة “التراكس” قالت لمؤسس بروكلين: “أنا كون الأم ديالي هادي، كون بقيت جالسة حداها.. الله يعطيك عقل وبعد من هاد الشي ما غادي يصلاح ليك فحتى شي حاجة”، وهو ما لقى غير يبقى حادر راسو قدام السيدة اللي خلاتو في ظرف أسبوعين طالب السلة بلا عنب.
وفي لقاء ثان على إذاعة “راديو بلوس”، قالت “التراكس” لمؤسس “بروكلين” من بعد ما جبدات منو جميع الاعترافات: “ديك 1000 درهم اللي مزال كنسالكم عطيها لموك، أنا ما كنسالك والو”.

https://www.facebook.com/radioplus.ma/videos/303708547025408/