• أمكراز عن هجوم شبيبة الأحرار: لم أستمع لكلمتهم… وإذا تساءلوا عن كيفية استوزاري يكفي أن يسألوا رئيسهم
  • اتهمت جهات خارج السجن بترويج الأكاذيب.. مندوبية السجون تكشف الوضع الصحي لربيع الأبلق
  • الرباط.. إطلاق مشروع تفكيك الشبكات الإجرامية العابرة للحدود والمتورطة في الاتجار بالبشر في شمال إفريقيا
  • وجدة.. استقبال خاص للمتوجين بالمسابقة العالمية للمحاكاة الطبية (صور)
  • بحضور لقجع.. المنتخب المحلي يجري آخر حصة تدريبية قبل مواجهة الجزائر (صور)
عاجل
الإثنين 22 أكتوبر 2018 على الساعة 11:20

جميلات إنستغرام.. فنانات البّوزات!

جميلات إنستغرام.. فنانات البّوزات!

من بعدما كانوا المواهب الغنائية كيدوزو على برامج اكتشاف المواهب، وكيقراو الغناء في المعاهد، وبطبيعة الحال كتكون المواهب ديالهم ملحوظة من الصغر، دابا تقلبات الآية ورجعوا كيكتشفوا المواهب ديالهم بفضل الصور واللايكات. كيفاش؟

مؤخرا على موقع إنستغرام مجموعة ديال البنات من بعد ما خلقوا شهرة افتراضية وقاعدة جماهيرية على الحسابات الشخصية ديالهم، قرروا يقلبوها غناء بحال يلا هاد الموهبة عاد بانت ليهم.

ندى حاسي.. كاردشيان المغربية

هاد الشابة المغربية، اللي عمر ديالها 21 سنة، واحدة من أكثر الحسابات المغربية متابعة. عندها أزيد من مليون متابع. ومن بعد الشهرة الافتراضية الكبيرة اللي عندها بدات كدير أغاني، ودابا كتسمي راسها فنانة صاعدة.

 

سومادينا.. فنانات بالصدفة

الشابتان سمية ودينا حتى هما كانوا شخصيات افتراضية، وكان عندهم تقريبا 50 ألف متابع. ومن بعد فكروا يديرو أغنية.

وحسب تصريحاتهم لموقع “كيفاش” سابقا، قالوا أنهم كانوا غير ضاحكين، ولكن الأغنية نجحات ووصلات حاليا أزيد من 25 مليون مشاهدة على موقع يوتيوب. هاد الشي خلاهم يكملوا في ميدان الفن ويخرجوا كليبات خرين.

 

إيمان المغربية.. مولات هتلر

نفس الشيء مع الشابة إيمان اللي كانت مشهورة على موقع إنستغرام، وكان عندها عدد من المتابعين تقريبا 50 ألف متابع. ومن بعدد قررت تدخل لعالم الغناء، ودارت أغنية بعنوان “هتلر”، وحاليا كتوجد لأغاني جديدة.

 

سكينة سويسرا.. ارينا شايك المغرب

هاد الشابة تشهرات بمقطع فيديو كتشطح في أحد الأعراس المغربية. وبفضل هاد الفيديو قدرات تجمع عدد كبير من المتابعين على موقع إنستغرام، واللي وصل لأزيد من 89 ألف متابع.

والبارح الأحد (21 أكتوبر)، قررت حتى هي تدخل لعالم الغناء، ودارت أغنية ديال الراب بعنوان “كال كال”.